ខេត្តកំពត ៖ ភ្នំស្រុកញ៉ែម ជាភ្នំធំល្មម មានឈ្មោះបោះសំឡេងតាំងពីដូនតាមកម៉្លេះ អ្នកភូមិព្រៃតាព្រឹតក៏បានស្គាល់ច្បាស់ដែរថា កាលពីជាង១០ឆ្នាំមុន ភ្នំនេះសម្បូរទៅដោយសត្វព្រៃគ្រប់ប្រភេទ
ខេត្តកំពត ៖ ភ្នំស្រុកញ៉ែម ជាភ្នំធំល្មម មានឈ្មោះបោះសំឡេងតាំងពីដូនតាមកម៉្លេះ អ្នកភូមិព្រៃតាព្រឹតក៏បានស្គាល់ច្បាស់ដែរថា កាលពីជាង១០ឆ្នាំមុន ភ្នំនេះសម្បូរទៅដោយសត្វព្រៃគ្រប់ប្រភេទ ដូចជា ស្វា ពស់… ស្ថិតនៅក្នុងភូមិព្រៃតាព្រឹត ឃុំស្តេចគង់ខាងលិច ស្រុកបន្ទាយមាស ។
ប៉ុន្តែមកដល់ពេលបច្ចុប្បន្ន ភ្នំស្រុកញ៉ែម ត្រូវបានក្រុមហ៊ុនឯកជនមួយដាក់គ្រឿងបំផ្ទុះភ្នំ ដើម្បីយកកន្លែងសាងសង់រោងចក្រស៊ីម៉ងត៍ត្បូងពេជ្រ ដែលក្រុមហ៊ុនបានកំណត់រយៈពេល៦ខែ ត្រូវសាងសង់ឱ្យហើយរួចរាល់ ។
បើតាមឈ្មោះ យ៉ឹង ប្រុស និងឈ្មោះ ពុត ភុំ រស់នៅក្នុងភូមិព្រៃតាព្រឹត បាននិយាយថា អ្នកយកព័ត៌មានគួរណាស់តែថតរូបភ្នំស្រុកញ៉ែមទុកមើលឱ្យហើយទៅ នៅសល់តែប៉ុន្មានខែទៀត ភ្នំស្រុកញ៉ែមនឹងរលាយបាត់រូបរាងហើយ ព្រោះគេយកធ្វើជាទីតាំងរោងចក្រស៊ីម៉ងត៍ ។
លោក គឹម ខេង ប្រធានឃុំស្តេចគង់ខាងលិច បានឱ្យដឹងថា ផ្លូវក្រាលក្រួសក្រហមមួយខ្សែប្រវែងជិត១គីឡូម៉ែត្រ ត្រូវបានគេបិទ ព្រោះផ្លូវនេះស្ថិតនៅចំកណ្តាលទីតាំងរោងចក្រ ហើយក្រុមហ៊ុនគេនឹងធ្វើផ្លូវលំវាងមួយខ្សែទៀតឱ្យពលរដ្ឋធ្វើដំណើរឆ្លងកាត់ស្រុកដងទង់ និងស្រុកបន្ទាយមាស ។
លោកប្រធានឃុំ បន្តថា បើរោងចក្រស៊ីម៉ងត៍ត្បូងពេជ្ររបស់ក្រុមហ៊ុនដំណើរការនោះ អ្នកភូមិពិតជាមានការងារធ្វើច្រើន ជាជាងនាំគ្នាចេញទៅធ្វើការនៅក្រៅប្រទេស ៕
ព័ត៌មានពិស្តារមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ