ខេត្តកំពង់ឆ្នាំង ៖ បុរសម្នាក់ត្រូវបានសមត្ថកិច្ចចាប់ឃាត់ខ្លួនភា្លមៗ បន្ទាប់ពីប្រើអំពើហិង្សាដោយវាយកម្ទេចទូរទស្សន៍នៅផ្ទះម្តាយក្មេក និងដុតផ្ទះខ្លួនឯង កាលពីវេលាម៉ោង ៨និង១០នាទីយប់
ខេត្តកំពង់ឆ្នាំង ៖ បុរសម្នាក់ត្រូវបានសមត្ថកិច្ចចាប់ឃាត់ខ្លួនភា្លមៗ បន្ទាប់ពីប្រើអំពើហិង្សាដោយវាយកម្ទេចទូរទស្សន៍នៅផ្ទះម្តាយក្មេក និងដុតផ្ទះខ្លួនឯង កាលពីវេលាម៉ោង ៨និង១០នាទីយប់ថ្ងៃទី៤ សីហា ២០១៥ នៅភូមិសំរោង សង្កាត់ផ្សារឆ្នាំង ក្រុងកំពង់ឆ្នាំង ។
មន្ត្រីនគរបាលមូលដ្ឋាន បានឱ្យដឹងថា បុរសសង្ស័យជាប្តីប្រើអំពើហិង្សាឈ្មោះ ជា សុហេង អាយុ២៤ឆ្នាំ មានទីលំនៅឃុំប្រឡាយមាស ស្រុកកំពង់លែង ចំណែកប្រពន្ឋឈ្មោះ ម៉ុង ធី អាយុ៣១ឆ្នាំ មានទីលំនៅភូមិសំរោង សង្កាតផ្សារឆ្នាំង ។
ប្រភពដដែល បានបញ្ជាក់ថា តាមពិតបុរសរូបនេះមិនមែនជាប្តីដែលម្តាយទុកឪពុកដាក់នោះទេ ជាមនុស្សខ្ចាត់ព្រាត់ ជួនឃើញមកនៅជាមួយប្រពន្ឋ៤-៥ថ្ងៃ ក៏ត្រឡប់ទៅវិញ ។ ចំណែកប្រពន្ឋជាស្ត្រីមេម៉ាយ បានប្តីខាងលើនេះគ្មានម៉ែឪដឹងឭឡើយ ។ នៅមុនពេលកើតហេតុ ដោយសារបាត់ប្តីយូរពេក ប្រពន្ឋបានទូរស័ព្ទហៅប្តីឱ្យមកផ្ទះហើយ
ក៏មានការឈ្លោះទាស់ពាក្យសម្តីគ្នាតាមទូរស័ព្ទ ពេលនោះប្រពន្ធបានជេរប្តី រឿងដើរផឹកស៊ីមិនមកផ្ទះ ។ ក្រោយមក មុនពេលប្តីមកដល់ផ្ទះវិញ ប្រពន្ធបានគេចខ្លួន ព្រោះខ្លាចប្តីវាយដូចសព្វមួយដងទៀត ។
ចំណែកប្តីមកដល់ផ្ទះរកប្រពន្ឋមិនឃើញ ទៅរកនៅផ្ទះម្តាយក្មេកក៏មិនឃើញ ក៏គំរាមថា បើរកប្រពន្ធមិនឃើញទេ នឹងសម្លាប់ក្មួយតូចៗ២នាក់ មិនតែប៉ុណ្ណោះបុរសរូបនេះបានលើកយកទូរទស្សន៍របស់ម្តាយក្មេកបោកមកដីខ្ទេចអស់ ហើយក៏ដើរត្រឡប់ទៅផ្ទះវិញ ក៏ដុតផ្ទះឆេះជញ្ជាំងមួយជំហៀង បើកុំតែមានអ្នកជិតខាងជួយទាន់កុំអីឆេះហ្មត់៕
ព័ត៌មានពិស្តារមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ