រាជធានីភ្នំពេញ ៖ តាមសេចក្តីរាយការណ៍បានឱ្យដឹងថា ប្រជាពលរដ្ឋប្រមាណជាង៦០នាក់ ក្នុងនោះមាន៣៤គ្រួសាររស់នៅក្រុមទី៦ ភូមិទួលសង្កែ សង្កាត់ទួលសង្កែ តាមផ្លូវរថភ្លើងបានលើកគ្នាមកសាលាខណ្ឌ
រាជធានីភ្នំពេញ ៖ តាមសេចក្តីរាយការណ៍បានឱ្យដឹងថា ប្រជាពលរដ្ឋប្រមាណជាង៦០នាក់ ក្នុងនោះមាន៣៤គ្រួសាររស់នៅក្រុមទី៦ ភូមិទួលសង្កែ សង្កាត់ទួលសង្កែ តាមផ្លូវរថភ្លើងបានលើកគ្នាមកសាលាខណ្ឌប្ញស្សីកែវកាលពីវេលាម៉ោងជាង៩ព្រឹក ថ្ងៃទី៥ សីហា នេះក្នុងគោលបំណងឱ្យអាជ្ញាធរខណ្ឌជួយដោះស្រាយដាក់ប្រព័ន្ធលូ ដោយសារទឹកស្អុយស្ទះលិចចូលផ្ទះធ្វើឱ្យពួកគាត់រស់នៅលំបាកវេទនាជាយូរមកហើយ។
បើតាមលោកឡុង ចាន់ឌី អាយុ៣៩ឆ្នាំ តំណាងឱ្យប្រជាពលរដ្ឋទាំងជាង៦០នាក់ខាងលើបានឱ្យដឹងថា ការលើកគ្នាមកសាលាខណ្ឌនេះជាលើ់កទី៤ហើយ បន្ទាប់ពីពួកគាត់ធ្វើពាក្យស្នើសុំតាំងពីសង្កាត់ ដល់ខណ្ឌ តែអត់ឃើញមានដំណោះស្រាយអ្វីសោះ ទើបពួកគាត់នាំគ្នាលើកគ្នាមកសាលាខណ្ឌដោយសរសេរជាបដាសុំឱ្យលោកអភិបាលខណ្ឌជួយដោះស្រាយដាក់ប្រព័ន្ធលូដែលមានទឹកស្អុយហូរលិចផ្ទះរបស់ពួកគាត់ធ្វើឱ្យប៉ះពាល់ដល់សុខភាព និងការរស់នៅរបស់ពួកគាត់។
តំណាងប្រជាពលរដ្ឋដដែលបានឱ្យដឹងថា ពួកគាត់បានធ្វើពាក្យស្នើសុំទៅអាជ្ញាធរសង្កាត់តាំងពីថ្ងៃទី១៨ វិច្ឆិកា ២០១៤ មក បន្ទាប់ពីពួកគាត់ចំនួន៣៤គ្រួសាររងការលិចលង់ដោយសារអត់ប្រព័ន្ធលូ តែអត់មានដំណោះស្រាយ ពួកគាត់ក៏លើកគ្នាមកម្តងទៀតនៅថ្ងៃទី៣០ មេសា ២០១៥ លើកទី២ នៅថ្ងៃទី១៩ ឧសភា ២០១៥ លើកទី៣ នៅថ្ងៃទី១៩ មិថុនា ២០១៥ អាជ្ញាធរនៅតែអត់ដោះស្រាយឱ្យទៀត លើកនេះក៏លើកគ្នាមកទាំងហ្វូងតែម្តង។
លោកឡុង ចាន់ឌី បានបញ្ជាក់ថា បើតាមគម្រោង លូដែលត្រូវធ្វើត្រូវចំណាយអស់ទឹកប្រាក់ប្រហែល៥.៨២៣ដុល្លារអាមេរិក តែមានអង្គការសប្បុរសធម៌ជួយបាន២០០០ដុល្លារហើយ ហើយបដិភាគរបស់ប្រជាពលរដ្ឋមានចំនួន១.៥៨៣ដុល្លារ នៅខ្វះតែ២.០០០ដុល្លារជាងទៀតទេ អាជ្ញាធរមិនជួយដោះស្រាយ៕
ចែករំលែកព័តមាននេះ