ខេត្តបន្ទាយមានជ័យ ៖ ពលករខ្មែរម្នាក់បានស្លា.ប់នៅមន្ទីរពេទ្យបន្ទាប់ពីរងរបួសធ្ងន់ដោយសារការធ្លាក់ដែកពីជាន់ទី៩ចំក្បាលនៅជាន់ទី៣ ខណៈជនរងគ្រោះកំពុងធ្វើការជាកម្មករសំណង់នៅក្រុងបាងកក ។
ខេត្តបន្ទាយមានជ័យ ៖ ពលករខ្មែរម្នាក់បានស្លាប់នៅមន្ទីរពេទ្យបន្ទាប់ពីរងរបួសធ្ងន់ដោយសារការធ្លាក់ដែកពីជាន់ទី៩ចំក្បាលនៅជាន់ទី៣ ខណៈជនរងគ្រោះកំពុងធ្វើការជាកម្មករសំណង់នៅក្រុងបាងកក ។
តាមឈ្មោះ ជុត ចំរើន អាយុ៣៦ឆ្នាំ ជាប្អូនប្រុសបង្កើតរបស់សពបានប្រាប់«កោះសន្តិភាព»នៅទីតាំងផ្ទេររថយន្តក្នុងបរិវេណវត្តបាលិលេយ្យ ស្ថិតក្នុងភូមិក្បាលស្ពាន២ សង្កាត់ប៉ោយប៉ែតថា ជនរងគ្រោះជាបងប្រុសបង្កើតរបស់ខ្លួនមានឈ្មោះ ជុត សុខុម ភេទប្រុស អាយុ៤២ឆ្នាំ ជាកម្មករសំណង់ មានទីលំនៅភូមិបាដាក ឃុំរស្មីសង្ហា ស្រុករតនមណ្ឌល ខេត្តបាត់ដំបង ។
ប្អូនប្រុសជនរងគ្រោះបានបន្តទៀតថា កាលពីវេលាម៉ោង៩ព្រឹក ថ្ងៃទី៣ សីហា ២០១៥ ខណៈកំពុងធ្វើការជាកម្មករសំណង់នៅជាន់ទី៣ ស្រាប់តែត្រូវដែកប៉ុនកដៃប្រវែងជាងកន្លះម៉ែត្រដែលក្រុមជាងថៃផ្សារនៅជាន់ទី៩ធ្លាក់ចំក្បាល បណ្ដាលឲ្យជនរងគ្រោះវិលមុខធ្លាក់ពីជាន់ទី៣មកដល់ដីរងរបួសធ្ងន់ ហើយពេលបញ្ជូនទៅមន្ទីរពេទ្យក្នុងខេត្តកើតហេតុក៏ដាច់ខ្យល់ស្លាប់តែម្ដង ។
សាច់ញាតិសពប្រាប់ថា ដំណោះស្រាយគឺទទួលបានប្រាក់៤ម៉ឺនបាតពីថៅកែរបស់សព ។
សពរងគ្រោះត្រូវបានសាច់ញាតិបញ្ជូនបន្តទៅស្រុកកំណើត ដើម្បីធ្វើបុណ្យតាមប្រពៃណីនៅវេលាម៉ោងជាង៨យប់ ថ្ងៃទី៤ សីហានេះ បន្ទាប់ពីភាគីថៃបញ្ជូនមកប្រគល់ឲ្យសាច់ញាតិតាមច្រកទ្វារអន្តរជាតិប៉ោយប៉ែត៕
ចែករំលែកព័តមាននេះ