រាជធានីភ្នំពេញ ៖ សេចក្តីរាយការណ៍ឱ្យដឹងថា មានករណីភ្លើងឆេះរោងស្នាក់នៅរបសកម្មកបុរីមួយ បង្កមានការភ្ញាក់ផ្អើលវេលាម៉ោង០៥ និង២០ព្រឹកថ្ងៃទី៤ សីហា ២០១៥ ស្ថិតនៅចំណុចភូមិបាយ៉ាប សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។
ប្រភពបានឱ្យដឹងថា រោងដែលត្រូវភ្លើងឆេះនោះមានទទឹង៤០ម៉ែត្រ និងបបណ្ដោយ៦០ម៉ែត្រឆ្អឹងដែក ដែលមានមនុស្សរងរបួសចំនួន២នាក់ (ឪពុក និងកូន) ម្នាក់ឈ្មោះភិម ស្រ៊ុន អាយុ៣៧ឆ្នាំ និងកូនឈ្មោះភិម សំណាន អាយុ១៨ឆ្នាំ មានស្រុកកំណើតនៅភូមិក្រូចឃុំនគរាជ ស្រុកព្រះស្ដេច ខេត្តព្រៃវែង។
ប្រភពបន្តថា អគ្គិភ័យនេះត្រូវបានរលត់វិញនៅវេលាម៉ោង០៧ព្រឹក ដោយប្រើរថយន្តពន្លត់អស់ចំនួន១១គ្រឿង ។ ជំហានដំបូង គេនៅមិនទាន់ដឹងពីមូលហេតុនៃការឆេះនេះទេ ខណៈដែលសមត្ថកិច្ចកំពុងធ្វើការត្រួតពិនិត្យ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ