ខេត្តឧត្តរមានជ័យ ៖ គ្រឿងចក្រចូកដី២គ្រឿង ដែលឈ្មួញថៃដឹកដើមដំឡូងមីបង្កប់នៅក្នុងរថយន្តម៉ាកអីស៊ុយហ្ស៊ុយពណ៌ខៀវលាយស ចូលមកប្រទេសកម្ពុជាតាមមាត់ច្រកទ្វារអន្តរជាតិជាំ ត្រូវបានកម្លាំងសមត្ថកិច្ចចាប់ពិន័យពន្ធ កាលពីវេលាម៉ោង៧យប់ថ្ងៃទី២ សីហា ២០១៥ ស្ថិតនៅក្នុងភូមិជើងភ្នំ ឃុំត្រពាំងប្រីយ៍ ស្រុកអន្លង់វែង ។
មន្ត្រីគយដែលបម្រើការរនៅមាត់ច្រកទ្វារអន្តរជាតិជាំ បានឲ្យដឹងថា កន្លងមក ឈ្មួញថៃតែងតែដឹកដើមដំឡូងមីពីប្រទេសរបស់ខ្លួននាំចូលមកប្រទេសកម្ពុជា តែរថយន្តមួយគ្រឿងខងលើនេះមានការសង្ស័យ មន្ត្រីគយសហការជាមួយមន្ត្រីបម្រើការនៅមាត់ច្រកទ្វារ ក៏ធ្វើការត្រួតពិនិត្យឆែកឆេររកឃើញគ្រឿងចក្រចំនួន២ ដែលឈ្មួញថៃម្នាក់ ឈ្មោះ វឌ្ឃតៈនា ភេទប្រុស អាយុប្រហែល៥៩ឆ្នាំ បានដាក់ដើមដំឡូងមីពីលើដើម្បីបន្លំភ្នែកសមត្ថកិច្ច ។ សមត្ថកិច្ចបានឃាត់រថយន្តនិងនាំយកទៅរក្សាទុកនៅស្នាក់ការគយ និងរដ្ឋាករជាំ ដើម្បីដោះស្រាយតាមផ្លូវច្បាប់ ៕
ចែករំលែកព័តមាននេះ