ខេត្តកំពង់ចាម ៖ ស្នាក់ការគណបក្សប្រជាជនកម្ពុជាខេត្ត កាលពីវេលាព្រឹកថ្ងៃទី០៣ សីហា ២០១៥ នេះ មានរៀបចំពិធីបញ្ចុះបឋមសិលាស្ថិតលើផ្ទៃដី២៥ម៉ែត្រ៤ជ្រុង ក្នុងភូមិបែកអន្លូង ឃុំអារ័ក្សត្នោត ស្រុកស្ទឹងត្រង់ ខេត្តកំពង់ចាម ដោយមានការអញ្ជើញចូលរួមពីសកម្មជនគណបក្សប្រជាជនជាង១០០នាក់ ។
ក្នុងឱកាសនោះ លោកប៉ែន រ័ត្ន អនុប្រធានក្រុមការងារចុះជួយស្ទឹងត្រង់បានឱ្យដឹងថា ថវិកាដែលកសាងនេះ គឺបានមកពីខាងគណបក្ស និងសប្បុរសជន ដើម្បីចូលរួមក្នុងការធ្វើឱ្យរបងឱ្យរឹងមាំ សម្រាប់បំពេញការងារបក្ស ។ លោកបន្តថា សព្វថ្ងៃនេះ រាជរដ្ឋាភិបាលយើង កំពុងខិតខំយកចិត្តទុកដាក់យ៉ាងខ្លាំង លើបញ្ហាបោះបង្គោលព្រំដែននៅតាមប្រទេសជិតខាង ជាពិសេសប្រទេសវៀតណាមធ្វើយ៉ាងឱ្យមានភាពរឹងមាំ និងខំដោះស្រាយបញ្ហាដែលមានមួយចំនួនទៀត ។
ចុងក្រោយក្នុងពិធីខាងលើ ក៏មានការឧបត្ថម្ភប្រាក់ក្នុងម្នាក់ចំនួន១ម៉ឺនរៀលផងដែរ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ