រាជធានីភ្នំពេញ ៖ តាមសេចក្តីរាយការណ៍បានឱ្យដឹងថា ជនសង្ស័យ២នាក់ត្រូវនគរបាលល្បាតប៉ុស្តិ៍ប្ញស្សីកែវចាប់ខ្លួនកាលពីវេលាម៉ោង២ និង៣០នាទីរំលងអធ្រាត្រ ឈានចូលថ្ងៃទី៣ សីហា បន្ទាប់ពីធ្វើសកម្មភាពលួចកាច់ស្លាកលេខពីរថយន្តមួយគ្រឿងម៉ាក RAVE 4 នៅចំណុចភូមិបឹងសាឡាង សង្កាត់ប្ញស្សីកែវ ។
ជនសង្ស័យដែលឃាត់ខ្លួន ម្នាក់ឈ្មោះជីវ សុភ័ក្ត្រ អាយុ៣១ឆ្នាំ និងម្នាក់ទៀតឈ្មោះហេង សុភ័ណ អាយុ៣៦ឆ្នាំ ទាំង២នាក់ស្នាក់នៅភូមិផ្សារតូច សង្កាត់ទួលសង្កែ ចំណែកម្ចាស់រថយន្តឈ្មោះថាវ ចាន់ដេ អាយុ៤២ឆ្នាំ មានទីលំនៅផ្ទះលេខ៧១៨ កន្លែងកើតហេតុ។
គួរបញ្ជាក់ថា កន្លងមកក្នុងមូលដ្ឋានសង្កាត់ទួលសង្កែ ក៏ដូចជាសង្កាត់ប្ញស្សីកែវតែងតែបាត់ស្លាកលេខរថយន្តជាបន្តបន្ទាប់ ហើយសមត្ថកិច្ចមិនដែលចាប់បានទេ ទើបតែពេលនេះត្រូវអស់លក្ខណ៍៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ