ខេត្តកំពង់ឆ្នាំង ៖ ប្រជាពលរដ្ឋចំណុះជើងវត្តជាច្រើនអ្នកបានសម្តែងនូវការមិនពេញចិត្តចំពោះចៅអធិការវត្តឧទ្ទម្ពរ ស្ថិតក្នុងភូមិឧទ្ទម្ពរ ឃុំស្វាយជ្រុំ ស្រុករលាប្អៀរ ខេត្តកំពង់ឆ្នាំង ដោយបានធ្វើសំណើសុំដកចៅអធិការវត្តនេះជាច្រើនលើកច្រើនសារ តែគ្មានដំណោះស្រាយ ទើបនៅព្រឹកថ្ងៃទី០១ សីហា ២០១៥
ខេត្តកំពង់ឆ្នាំង ៖ ប្រជាពលរដ្ឋចំណុះជើងវត្តជាច្រើនអ្នកបានសម្តែងនូវការមិនពេញចិត្តចំពោះចៅអធិការវត្តឧទ្ទម្ពរ ស្ថិតក្នុងភូមិឧទ្ទម្ពរ ឃុំស្វាយជ្រុំ ស្រុករលាប្អៀរ ខេត្តកំពង់ឆ្នាំង ដោយបានធ្វើសំណើសុំដកចៅអធិការវត្តនេះជាច្រើនលើកច្រើនសារ តែគ្មានដំណោះស្រាយ ទើបនៅព្រឹកថ្ងៃទី០១ សីហា ២០១៥ នេះមានការកោះប្រជុំបន្ទាន់មួយរបស់អាជ្ញាធរភូមិ-ឃុំ ដើម្បីពីភាក្សាគ្នាលើបញ្ហានេះ ។
ដោយសារបាតុភាពដ៏រ៉ាំរ៉ៃនេះ ប្រជាពលរដ្ឋបានអស់ជំនឿលើអជ្ញាធរមូលដ្ឋាន ហើយឈប់ទៅវត្តខាងលើនេះ និងឈប់ចូលរួមប្រជុំផ្សេងៗដែលអាជ្ញាធរបានកោះហៅ មិនត្រឹមតែប៉ុណ្ណឹងពួកគាត់ថា នឹងធ្វើបាតុកម្មទៀតផងបើមិនព្រមតាមសំណូមពរ ។ ប្រជាពលរដ្ឋទាំងនោះបានលើកឡើថា កន្លងមកចៅអធិការ ព្រះនាម អឿ សំណាង រូបនោះបានធ្វើខុសទៅនឹងវិន័យសង្ឃជាច្រើនយ៉ាង មានដូចជានិមន្តទៅបិណ្ឌបាតស្រូវដល់ពោធិ៍សាត់ និងបាត់ដំបង ដោយគ្មានច្បាប់ពីមន្ទីរធម្មការខេត្តឡើយ លុះពេលបានស្រូវត្រឡប់មកវិញ មិនដែលឃើញយកបច្ច័យកសាងវត្តឡើយ ហើយរាល់ថ្ងៃសីល ចៅអធិការវត្តរូបនោះមិនដែលឡើងសាលាឆាន់ឱ្យសីលដល់តា យាយ មកសុំសីលនៅវត្តម្តងណាឡើយ ។
លោក យី ភួន មេឃុំស្វាយជ្រុំ បានមានប្រសាសន៍ឱ្យដឹងថា រឿងសំណើដកចៅអធិការវត្តឧទ្ទម្ពរនៅពេលនេះ គឺលោកនឹងធ្វើរបាយការណ៍ និងយកសំណើនេះទៅព្រះអនុគណស្រុក និងព្រះអនុគណខេត្តបន្តទៀត ដែលជាមន្ត្រីសង្ឃ ដើម្បីឱ្យព្រះអង្គមានចំណាត់ការបន្តទៀត ហើយបញ្ហានេះលោកនឹងធ្វើឱ្យលឿនបំផុត ។
ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព
ចែករំលែកព័តមាននេះ