ខេត្តសៀមរាប ៖ លោកឧត្តមសេនីយ៍ទោ សត ណាឌី ស្នងការនគរបាលខេត្តសៀមរាប និងជាប្រធានក្រុមការងារគណបក្សប្រជាជនកម្ពុជាខេត្តចុះជួយស្រុកជីក្រែង បានដឹកនាំក្រុមការងារគណបក្សប្រជាជន ព្រមទាំងអស់លោក លោកស្រី ជាក្រុមការងារចុះជួយស្រុកមួយចំនួនទៀត
ខេត្តសៀមរាប ៖ លោកឧត្តមសេនីយ៍ទោ សត ណាឌី ស្នងការនគរបាលខេត្តសៀមរាប និងជាប្រធានក្រុមការងារគណបក្សប្រជាជនកម្ពុជាខេត្តចុះជួយស្រុកជីក្រែង បានដឹកនាំក្រុមការងារគណបក្សប្រជាជន ព្រមទាំងអស់លោក លោកស្រី ជាក្រុមការងារចុះជួយស្រុកមួយចំនួនទៀត កាលពីព្រឹកថ្ងៃទី០១ ខែសីហា ឆ្នាំ២០១៥ នាំយកទៀនព្រះវស្សា និងទេយ្យវត្ថុទៅប្រគេនព្រះសង្ឃដែលគង់ចាំព្រះវស្សាអស់ត្រីមាសក្នុងពុទ្ធសីម៉ានៅវត្តធម្មសុវណ្ណរង្សីសិរីមង្គល ស្ថិតក្នុងស្រុកជីក្រែង ខេត្តសៀមរាប ដោយក្នុងនោះក្រុមការងារចុះជួយស្រុកបានប្រគេនទៀនព្រះវស្សាចំនួន៣៦គូ ដល់ព្រះសង្ឃគង់នៅក្នុងវត្តទូទាំងស្រុកជីក្រែង និងទេយ្យវត្ថុមួយចំនួនទៀតផងដែរ ។
លោកឧត្តមសេនីយ៍ទោ សត ណាឌី បានឱ្យដឹងថា សទ្ធាជ្រះថ្លាដែលបានមកពីការចាប់មគ្គផលត្រូវបានពុទ្ធបរិស័ទ្ធ សប្បុរសជនក្នុងពិធីបុណ្យនេះបានរួមចំណែកយ៉ាងសំខាន់ក្នុងការកសាង និងអភិវឌ្ឍន៍គ្រប់សមិទ្ធផលនានាក្នុងវិស័យអាណាចក្រ និង ពុទ្ធចក្រ ស្របតាមកម្មវិធីនយោបាយ និងយុទ្ធសាស្ត្រចតុកោណ ដំណាក់កាលទីបីរបស់រាជរដ្ឋាភិបាល ដែលដឹកនាំប្រកបដោយគតិបណ្ឌិតរបស់សម្តេចតេជោ ហ៊ុន សែន នាយករដ្ឋមន្ត្រី នៃព្រៈរាជាណាចក្រកម្ពុជា ។
លោកឧត្តមសេនីយ៍ទោ សត ណាឌី ក៏បានឆ្លៀតឱកាសនោះដែរធ្វើការពន្យល់ណែនាំដល់លោកតា លោកយាយ និងបងប្អូន ដែលបានចូលរួមទាំងអស់ទាក់ទងនឹងការអនុវត្តនូវគោលនយោបាយភូមិ-ឃុំមានសុវត្ថិភាព និងជួយសហការជាមួយសមត្ថកិច្ចមូលដ្ឋានឲ្យបានជិតដិតនឹងគ្នា ដើម្បីចៀសវាងកុំឲ្យមានអ្នកដទៃមកបោកប្រាស់យកកូនចៅរបស់បងប្អូនទៅធ្វើជាទេសករបម្រើរបស់គេផងដែរ ៕
ចែករំលែកព័តមាននេះ