ខេត្តព្រះសីហនុ ៖ ជនសង្ស័យប្រុសស្រីជួញដូរគ្រឿងញៀនចំនួន២នាក់ត្រូវកម្លាំងកងរាជអាវុធហត្ថប្រចាំស្នាក់ការលេខ៤០១ សហការជាមួយកម្លាំងកងរាជអាវុធហត្ថខេត្តព្រះសីហនុឃាត់ខ្លួនកាលពីវេលាម៉ោង៣
ខេត្តព្រះសីហនុ ៖ ជនសង្ស័យប្រុសស្រីជួញដូរគ្រឿងញៀនចំនួន២នាក់ត្រូវកម្លាំងកងរាជអាវុធហត្ថប្រចាំស្នាក់ការលេខ៤០១ សហការជាមួយកម្លាំងកងរាជអាវុធហត្ថខេត្តព្រះសីហនុឃាត់ខ្លួនកាលពីវេលាម៉ោង៣ និង១៥នាទីរសៀល ថ្ងៃទី១ សីហា ២០១៥ នៅចំណុចក្រុម២ ស្ថិតក្នុងភូមិតានៃ ឃុំជើងគោ ស្រុកព្រៃនប់ ។
តាមកម្លាំងកងរាជអាវុធហត្ថស្នាក់ការលេខ៤០១ បានឱ្យដឹងថា ជនសង្ស័យដែលត្រូវបានឃាត់ខ្លួននេះ ម្នាក់ឈ្មោះណាំ ញ៉េត ភេទប្រុស អាយុ៣៥ឆ្នាំ មុខរបរធ្វើស្រែ មានទីលំនៅភូមិបឹងវែង ឃុំវាលរេញ ស្រុកព្រៃនប់ និងម្នាក់ទៀតឈ្មោះលាន់ ម៉ាលី ភេទស្រី អាយុ២៨ឆ្នាំ រស់នៅភូមិតាអោងធំ ឃុំសាមគ្គី ស្រុកព្រៃនប់។
ប្រភពដដែលបន្តថា ក្រោយពីឃាត់ខ្លួនជនសង្ស័យសមត្ថកិច្ចបានដកហូតម្សៅសថ្លាមួយកញ្ចប់ធម ៣កញ្ចប់តូច ដបជក់ចំនួន២ កាំភ្លើងច្នៃបាញ់គ្រាប់ឃ្លីមួយដើម គ្រាប់ឃ្លីមួយប្រអប់ ដាវសាំមួរ៉ៃ២ដើម និងម៉ូតូម៉ាក CBR ពាក់ស្លាកលេខភ្នំពេញ១BW៧៧៥៩ ស្លាកលេខម៉ូតូ២ និងទូរស័ព្ទដៃ៤គ្រឿង៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ