ខេត្តកំពង់ធំ ៖ ចោរលួចកាច់សោ.កម៉ូតូរបស់ប្រជាពលរដ្ឋម្នាក់ក្នុងចំណោម២នាក់ត្រូវបានសមត្ថកិច្ចចាប់វាយខ្នោះបញ្ជូនមកកាន់អធិការដ្ឋានគរបាលក្រុងស្ទឹងសែន បន្ទាប់ពីធ្វើសកម្មភាពលួចកាច់សោ.កម៉ូតូមួយគ្រឿងនៅចំណុចផ្លូវគ្រួសក្រហម ក្នុងភូមិរលួស
ខេត្តកំពង់ធំ ៖ ចោរលួចកាច់សោ.កម៉ូតូរបស់ប្រជាពលរដ្ឋម្នាក់ក្នុងចំណោម២នាក់ត្រូវបានសមត្ថកិច្ចចាប់វាយខ្នោះបញ្ជូនមកកាន់អធិការដ្ឋានគរបាលក្រុងស្ទឹងសែន បន្ទាប់ពីធ្វើសកម្មភាពលួចកាច់សោ.កម៉ូតូមួយគ្រឿងនៅចំណុចផ្លូវគ្រួសក្រហម ក្នុងភូមិរលួស សង្កាត់ស្រយូវ ក្រុងស្ទឹងសែន កាលពីព្រឹកថ្ងៃទី០១ ខែសីហា ឆ្នាំ២០១៥ ។
លោកវរៈសេនីយ៏ទោ ញ៉ែម ឈុនលី អធិការដ្ឋានគរបាលក្រុងស្ទឹងសែនបានឲ្យដឹងថា មុនពេលកើតហេតុ ជនរងគ្រោះជាម្ចាស់ម៉ូតូ ឈ្មោះ ទេព សារ៉ូ ភេទប្រុស អាយុ៤៥ឆ្នាំ រស់នៅក្នុងភូមិឃុំកើតហេតុខាងលើបានទុកម៉ូតូ១គ្រឿងម៉ាកហុងដាឌ្រីម សេ១២៥ ពណ៌ខ្មៅ គ្មានស្លាកលេខ រួចចុះទៅបាចជីដាក់ស្រែ ។ បន្ទាប់មកគេឃើញជនសង្ស័យ២នាក់ជិះម៉ូតូ១គ្រឿងឌុបគ្នា ឃើញឱកាសល្អបែបនេះ ជនសង្ស័យក៏បានធ្វើសកម្មភាពលួចកាច់សោ.កម៉ូតូរបស់ជនរងគ្រោះបានសម្រេចជិះចេញបន្តិចក៏ត្រូវម្ចាស់ដឹងស្រែកឆោឡោឡើងនាំគ្នាដេញចាប់ រហូតភ្ញាក់ផ្អើលដល់សមត្ថកិច្ចស្ទាក់ចាប់បានជនសង្ស័យម្នាក់ក្នុងចំណោម២នាក់ ។
សមត្ថកិច្ចបានឱ្យដឹងថា ជនសង្ស័យដែលត្រូវចាប់ខ្លួននេះមានឈ្មោះ ផា ថាវី ភេទប្រុស អាយុ៣១ឆ្នាំ ស្រុកកំណើតភូមិព្រែកត្រែង ឃុំសំរោងធំ ស្រុកកៀនស្វាយ ខេត្តកណ្តាល ។ បច្ចុប្បន្នជនសង្ស័យបានមកជួលបន្ទប់ស្នាក់នៅដើម្បីធ្វើសកម្មភាពក្នុងភូមិកំពង់ធំ សង្កាត់កំពង់រទេះ ក្រុងស្ទឹងសែន ចំណែកបកក្ខពួកម្នាក់ទៀតគេចខ្លួនបាត់ ។
ក្រោយពេលកើតហេតុ ម៉ូតូត្រូវបានប្រគល់ជូនម្ចាស់វិញ រីឯជនសង្ស័យដែលចាប់ខ្លួនបានត្រូវបានសមត្ថកិច្ចបញ្ជូនទៅអធិការដ្ឋាននគរបាលក្រុងស្ទឹងសែនដើម្បីសាកសួរ ដើម្បីតាមចាប់ខ្លួនបក្ខពួកបន្តទៀត និងកសាងសំណុំរឿងរឿងបញ្ជូនទៅតុលាការចាត់ការទៅតាមផ្លូវច្បាប់ ៕
ចែករំលែកព័តមាននេះ