រាជធានីភ្នំពេញ ៖ បន្ទាប់ពីមានភ្លៀងធ្លាក់យ៉ាងខ្លាំងចាប់តាំងពីម៉ោងប្រហែល៥ល្ងាចថ្ងៃទី០១ សីហា ២០១៥ រហូតមកទល់ពេលនេះនៅមិនទាន់រាំងនៅឡោះយនោះ គេសង្កេតឃើញក្នុងរាជធានីភ្នំពេញត្រូវបានទឹកជន់លិចស្ទើរតែគ្រប់ទីកន្លែង ។
ប្រភពបានឱ្យដឹងទៀតថា ផ្លូវមួយចំនួនធំក្នុងរាជធានីភ្នំពេញត្រូវបានជន់លិច ដែលបណ្តាលឱ្យប្រជាពលរដ្ឋពិបាកក្នុងការធ្វើដំណើរយ៉ាងខ្លាំង ព្រមទាំងបណ្តាឱ្យម៉ូតូ និងរថយន្តជាច្រើនគ្រឿងត្រូវបានរលត់ក្នុងទឹកទៀតផង ។
ប្រភពបានឱ្យដឹងទៀតថា តំបន់ដែលត្រូវបានជំនន់ទឹកភ្លៀងលិចនោះមានដូចជា ផ្លូវកម្ពុជាក្រោមចាប់ពីស្តុបសាលាសន្ធរម៉ុករហូតដល់គល់ស្ពានអាកាស៧មករា(ពេទ្យលោកសង្ឃ), មហាវិថីម៉ៅសេទុង ម្តុំមុខផ្សារឃ្លាំងរំសេវ, ផ្លូវលេខ២៥៧ ខាងត្បូងផ្សារគីឡូម៉ែត្រលេខ៤, ផ្លូវលេខ២០០២, ផ្លូវលេខ២០០៤ ជាពិសេសជំនន់ទឹកភ្លៀងនេះបានជន់លិចភូមិស្លែងរលើង ក្នុងសង្កាត់ទឹកថ្លា ខណ្ឌសែនសុខ ទាំងមូលថែមទៀងតផង ។ មិនតែប៉ុណ្ណោះតំបន់ទំនាបមួយចំនួនទៀតក៏ទទួលរងការជន់លិចដោយសារជំនន់ទឹកភ្លៀងនេះដែរ ៕
ចែករំលែកព័តមាននេះ