រាជធានីភ្នំពេញ ៖ ក្នុងរយៈពេលប៉ុន្មានឆ្នាំចុងក្រោយនេះ អគ្គិសនីកម្ពុជា ក្រោមការដឹកនាំដោយយកចិត្តទុកដាក់ និងទទួលខុសត្រូវខ្ពស់របស់លោកកែវ រតនៈ ប្រតិភូរាជរដ្ឋាភិបាលទទួលបន្ទុកអគ្គិសនីកម្ពុជានោះ គេបានកត់សម្គាល់ឃើញថា ទាំងបុគ្គលិក និងមន្ត្រីក្រោមឱវាទគ្រប់លំដាប់ថ្នាក់ ពិតជាមានការខិតខំប្រឹងប្រែងជំរុញការពង្រីកវិសាលភាពរបស់ខ្លួន ជាពិសេស មានការកែសម្រួលការងារគ្រប់គ្រងរបស់មន្ត្រីរាជការ និងបុគ្គលិករបស់ខ្លួន ដែលមានភាពរហ័សរហួនចុះជួយអន្តរាគមន៍បានទាន់ពេល
វេលា នៅពេលដែលប្រជាពលរដ្ឋសំណូមពរនូវបញ្ហាផ្សេងៗ ធ្វើឱ្យប្រជាពលរដ្ឋ ក៏ដូចជាអតិថិជន ដែលប្រើប្រាស់ភ្លើងមានភាពកក់ក្តៅ ។
ជាក់ស្តែង ក្នុងពេលថ្មីៗកន្លងមកនេះ បន្ទាប់ពីមានការតវ៉ា ឬសំណូមពររបស់ប្រជាពលរដ្ឋទាក់ទិនទៅនឹងការប្រើប្រាស់ភ្លើងអគ្គិសនីភ្លាមៗនោះ មន្ត្រីអគ្គិសនីសាខាអូរបែកក្អម មានការខិតខំខ្នះខ្នែងញាប់ដៃញាប់ជើងចុះទៅតាមដានត្រួតពិនិត្យវាស់ថ្លឹងកុងទ័រភ្លើង
និងការត្រួតពិនិត្យឧបករណ៍ប្រើប្រាស់ក្នុងផ្ទះ ដោយយកចិត្តទុកដាក់ និងប្រកបដោយភាពទន់ភ្លន់ ព្រមទាំងធ្វើការពន្យល់ហេតុផលច្បាស់លាស់ ធ្វើឱ្យប្រជាពលរដ្ឋមានភាពកក់ក្តៅតែម្តង ៕
ចែករំលែកព័តមាននេះ