ខេត្តកំពង់ឆ្នាំង ៖ លោកមាស សុវណ្ណ មេបញ្ជាការកងរាជអាវុធហត្ថខេត្តកំពង់ឆ្នាំង បានបញ្ជាក់តាមទូរស័ព្ទប្រាប់កោះសន្តិភាពនៅវេលាម៉ោង០៤ និង១២នាទីរសៀលថ្ងៃទី៣១ កក្កដា ២០១៥ នេះថា ក្រោយពីទទួលបានតាមរយៈកោះសន្តិភាព ជុំវិញករណីមន្ត្រីអាវុធហត្ថស្រុកកំពង់ត្រឡាចបានយកទូរស័ព្ទស៊េរីទំនើប ម៉ាកអាហ្វូន6មួយគ្រឿង ជាជាថ្នូរនឹងការដោះលែងឈើក្តារងឿ២សន្លឹក ដែលចាប់កាលពីថ្ងៃទី២៥ កក្កដា ២០១៥ ស្ថិតនៅចំណុចមុខទីបញ្ជាការកងរាជអាវុធហត្ថស្រុកកំពង់ត្រឡាច ស្ថិតតាមបណ្តោយផ្លូវជាតិលេខ៥ ។
លោកបានបញ្ជាក់ថា លោកនឹងដាក់ពិន័យទៅលើមន្ត្រីកងរាជអាវុធហត្ថ ដែលបានប្រព្រឹត្តយកទូរស័ព្ទពីប្រជាពលរដ្ឋ ព្រោះតែធ្វើការងារខុសនឹងនីតិវិធីច្បាប់ និងមិនរាយការណ៍មកជូនថ្នាក់លើ ។ ជាមួយគ្នានោះ លោកក៏សុំឱ្យម្ចាស់ទូរស័ព្ទទៅយកទូរស័ព្ទវិញនៅទីបញ្ជាការកងរាជអាវុធហត្ថស្រុកកំពង់ត្រឡាច ដោយមិនបាច់ឱ្យបង់លុយជាដាច់ខាត ។
គួររំលឹកថា មេប៉េអឹមស្រុកកំពង់ត្រឡាចម្នាក់រងការចោទថា ចាប់ឈើហើយដោះលែងវិញ តែស៊ីដាច់ទូរស័ព្ទ Iphone6 មួយគ្រឿង
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ