ខេត្តបន្ទាយមានជ័យ ៖ ក្រុមអាជីវករលក់ដូរនៅផ្សារអូរស្ងួតចាស់បានទទូច និងជម្រុញឱ្យក្រុមហ៊ុនម៉ៅការសាងសង់ផ្សារអូរស្ងួតថ្មីឱ្យពន្លឿនការសាងសង់ឱ្យបានឆាប់ ដើម្បីបានចូលលក់ដូរឆាប់ ព្រោះផ្សារចាស់ជាប់ផ្លូវប្រឈមគ្រោះថ្នាក់ ហើយតូចចង្អៀត ព្រមទាំងគ្មានផាសុកភាពទៀតផង ។
ខេត្តបន្ទាយមានជ័យ ៖ ក្រុមអាជីវករលក់ដូរនៅផ្សារអូរស្ងួតចាស់បានទទូច និងជម្រុញឱ្យក្រុមហ៊ុនម៉ៅការសាងសង់ផ្សារអូរស្ងួតថ្មីឱ្យពន្លឿនការសាងសង់ឱ្យបានឆាប់ ដើម្បីបានចូលលក់ដូរឆាប់ ព្រោះផ្សារចាស់ជាប់ផ្លូវប្រឈមគ្រោះថ្នាក់ ហើយតូចចង្អៀត ព្រមទាំងគ្មានផាសុកភាពទៀតផង ។
អាជីវករបានប្រាប់ថា នៅពេលដែលក្រុមហ៊ុន ជិន រដ្ឋា ម៉ៅការកសាងផ្សារអូរស្ងួតថ្មី គឺប្រជាពលរដ្ឋក្នុងឃុំអូរប្រាសាទ ស្រុកមង្គលបូរីមានអារម្មណ៍ថា នៅជនបទនឹងមានផ្សារដ៏ទំនើបមួយសម្រាប់ការលក់ដូរប្រកបដោយផាសុកភាពត្រឹមត្រូវតាមបទដ្ឋាន និងបច្ចេកទេស ។
អាជីវករបានសំណូមពរឱ្យក្រុមហ៊ុន ជិន រដ្ឋា ត្រូវពន្លឿនការសាងសង់ផ្សារអូរស្ងួតថ្មីឱ្យបានឆាប់ហើយ និងមានគុណភាពតាមស្តង់ដារផ្សារខ្នាតធំ ដើម្បីឱ្យអាជីវករបានចូលលក់ដូរឆាប់ ព្រោះផ្សាអូរស្ងួតចាស់តូចចង្អៀត និងជាប់ផ្លូវដែលប្រឈមនឹងគ្រោះថ្នាក់ដែលអាចកើតឡើងជាយថាហេតុ និងគ្មានផាសុកភាពទៀតផង ។
លោក ជិន រដ្ឋា ប្រធានក្រុមហ៊ុនម៉ៅការសាងសង់ផ្សារអូរស្ងួតថ្មីបានប្រាប់ឱ្យដឹងថា ផ្សារអូរស្ងួតថ្មី ដែលស្ថិតជាប់ផ្លូវជាតិលេខ៥ផ្នែកខាងកើតស្ថិតក្នុងភូមិអូរស្ងួត ឃុំអូរប្រាសាទ ស្រុកមង្គលបុរី មានច្បាប់កសាង និងកសាងតាមស្តង់ដាផ្សារពាក់កណ្តាលទំនើប លើផ្ទៃដីចំនួន២ហិកតា ដែលចាប់ផ្តើមកសាងតាំងពីថ្ងៃទី១៥ ខែកុម្ភ ឆ្នាំ២០១៥ ហើយគ្រោងរួចរាល់នៅខែសីហា ឆ្នាំ២០១៥ខាងមុខនេះ ។
លោកបន្តថា ផ្សាអូរស្ងួតថ្មីកសាងតាមស្តង់ដា ដែលមានផ្ទះល្វែងចំនួន១៥០ល្វែង តូបលក់បន្លែ ត្រី សាច់ ចំនួន១៥០តូប និងតូបលក់ចម្រុះមានចំនួន១២៦តូប ពេលនេះផ្សារអូរស្ងួតថ្មីបានសាងសង់បានប្រមាណ៨០ភាគរយហើយ តែអាជីវករបាននាំគ្នាចូលមកលក់ជាបណ្តើរៗ ដែលក្រុមហ៊ុនបានរៀបចំកន្លែងលក់ដូរបណ្តោះអាសន្ននៅបរិវេណខាងមុខ ដើម្បីឱ្យអាជីវករមានកន្លែងលក់ដូរសម្រាប់ទ្រទ្រង់ជីវភាព ៕
ចែករំលែកព័តមាននេះ