រាជធានីភ្នំពេញ ៖ ការិយាល័យអប់រំយុវជន និងកីឡាខណ្ឌចំការមន រួមជាមួយគណៈគ្រប់គ្រងសាលាបឋមសិក្សាទូទាំងខណ្ឌ កាលពីវេលាព្រឹកថ្ងៃទី៣១ កក្កដា ២០១៥ នេះ បានប្រារព្ធពិធីប្រជុំបូកសរុបចលនាប្រឡងប្រណាំងវ័យល្អរបស់ក្រុមប្រឹក្សាកុមារ ដែលប្រព្រឹត្តិទៅនៅក្នុងបរិវេណសាលាបឋមសិក្សាជ័យជំនះ ក្រោមអធិបតីភាពលោកស្រីឯម ហ៊ា អនុប្រធានមន្ទីរអប់រំយុវជន និង
រាជធានីភ្នំពេញ ៖ ការិយាល័យអប់រំយុវជន និងកីឡាខណ្ឌចំការមន រួមជាមួយគណៈគ្រប់គ្រងសាលាបឋមសិក្សាទូទាំងខណ្ឌ កាលពីវេលាព្រឹកថ្ងៃទី៣១ កក្កដា ២០១៥ នេះ បានប្រារព្ធពិធីប្រជុំបូកសរុបចលនាប្រឡងប្រណាំងវ័យល្អរបស់ក្រុមប្រឹក្សាកុមារ ដែលប្រព្រឹត្តិទៅនៅក្នុងបរិវេណសាលាបឋមសិក្សាជ័យជំនះ ក្រោមអធិបតីភាពលោកស្រីឯម ហ៊ា អនុប្រធានមន្ទីរអប់រំយុវជន និង កីឡារាជធានីភ្នំពេញ និងលោកកែវ សំណាង អភិបាលខណ្ឌចំការមន និងមានការចូលរួមពីលោកគ្រូ អ្នកគ្រូ គណៈគ្រប់គ្រងសាលាបឋមសិក្សាទាំង១៣សាលានៅទូទាំងខណ្ឌចំការមន ។
លោកស្រី ទឹម សុខា នាយិកាសាលាបឋមសិក្សាជ័យជំនះ ដែលទទួលភារកិច្ចរៀបចំកន្លែងប្រជុំបូកសរុបលទ្ធផលការងារខាងលើនេះ បានមានប្រសាសន៍ថា មន្ទីរអប់រំរាជធានីភ្នំពេញ បានដាក់ចេញនូវគោលការណ៍កម្មវិធីប្រឡងប្រណាំងល្អ៣របស់សិស្សានុសិស្សបឋមសិក្សានៅទូទាំងរាជធានីភ្នំពេញ ។
ក្នុងនោះដែរ មន្ទីរអប់រំរាជធានីភ្នំពេញ ក៏បានរៀបចំកម្មវិធីចុះជួបសំណេះសំណាលជាមួយលោកគ្រូ អ្នកគ្រូ និងសិស្សានុសិស្សឆ្នើម៣ល្អ រួមមាន កូនល្អ សិស្សល្អ និងមិត្តល្អ ក្នុង១ឆ្នាំម្តង គឺបានធ្វើឡើងទូទាំង១១ខណ្ឌចំណុះឱ្យរាជធានីភ្នំពេញ កន្លងរួចមកហើយ ដោយឡែក កាលពីវេលាព្រឹកថ្ងៃខែឆ្នាំខាងលើនេះ នៅខណ្ឌចំការមន គឺជាវគ្គចុងក្រោយនៃការប្រជុំបូកសរុបចលនា ប្រឡងប្រណាំង៣ល្អរបស់ក្រុមប្រឹក្សាកុមារ ។
ចែករំលែកព័តមាននេះ