រាជធានីភ្នំពេញ ៖ លោកឱម យ៉ិនទៀង ប្រធានអង្គភាពប្រឆាំងបានឲ្យដឹង អង្គភាពប្រឆាំងអំពើពុករលួយបានទទួលពាក្យបណ្តឹងទៅលើនាយកសាលា និងនគរបាលមានចំនួនកើនឡើង មិនឈប់ឈរ។
រាជធានីភ្នំពេញ ៖ លោកឱម យ៉ិនទៀង ប្រធានអង្គភាពប្រឆាំងបានឲ្យដឹង អង្គភាពប្រឆាំងអំពើពុករលួយបានទទួលពាក្យបណ្តឹងទៅលើនាយកសាលា និងនគរបាលមានចំនួនកើនឡើង មិនឈប់ឈរ។
ការលើកឡើងរបស់លោកទេសរដ្ឋមន្ត្រីនិងជាប្រធានអង្គភាពប្រឆាំងអំពើពុករលួយនេះ បានធ្វើឡើងក្នុងកិច្ចប្រជុំក្រុមប្រឹក្សាជាតិប្រឆាំងអំពើពុករលួយ កាលពីរសៀលថ្ងៃទី៣០ កក្កដា នៅអង្គភាពប្រឆាំងអំពើពុករលួយក្រោមធិបតីភាពលោកតុប សំ ប្រធានក្រុមប្រឹក្សាជាតិប្រឆាំងអំពើពុករលួយ និងសមាជិកទាំងអស់១១រូប។
លោកទេសរដ្ឋមន្ត្រីឲ្យដឹងទៀតថា ក្នុងខែកក្កដា អង្គភាពបានទទួលពាក្យបណ្តឹង៦៣បណ្តឹងករណី ក្នុងនោះ៤០ជា បណ្តឹងជាអនាមិក ហើយពាក្យបណ្តឹង៣៩ករណី ត្រូវបានអង្គភាពប្រឆាំងអំពើពុករលួយបញ្ជូនទៅម្ចាស់សាមីរងការចោទប្រកាន់ឲ្យចូលបំភ្លឺ។ ជាងនេះទៅទៀត អង្គភាពបានទទួលលិខិតប្រកាសទ្រព្យសម្បត្តិ និងបំណុលពីមន្ត្រីដែលទទួលការតែងតាំងថ្មីចំនួន១០៩រូប និងពីមន្ត្រីដែលបានចូលនិវត្តន៍ចំនួន៩រូប។ ក្នុងខែកក្កដានេះ អង្គភាពបានបើក មើលលិខិតប្រកាសទ្រព្យសម្បត្តិ និងបំណុលចំនួន១សម្រាប់ការស៊ើបអង្កេត ។
លោកឱម យ៉ិនទៀង លើកឡើងក្នុងអង្គប្រជុំទៀតថា អង្គភាពក៏បានដំណើរការនៅសាសាឧទ្ធរណ៍ទាក់ទងករណី លោកចែម សង្វារ អតតីមន្ត្រីនៅក្រសួងប្រៃសណី និងទូរគមនាគមន៍ និងធ្វើកិច្ចសហប្រតិបត្តិការរវាងអង្គភាពប្រឆាំងអំពើពុករលួយជាប្រទេសមួយចំនួនក្នុងតំបន់ ដើម្បីស្វែងរកជនល្មើសពុករលួយឆ្លងដែន ។
លោកលើកឡើងទៀតថា សម្រាប់ខែកក្កដា អង្គភាពបានចូលរួមសង្កេតការណ៍ដេញថ្ងៃបាន២៣លើក និងបានកសាងកំណុំព័ត៌មានក្រុមហ៊ុនចូលដេញថ្លៃបាន១០០ក្រុមថែមទៀត។ ក្នុងខែដដែលនេះដែរ អង្គភាពបានរៀបចំចងក្រងសៀវភៅសិក្សាប្រឆាំងអំពើពុករលួយសម្រាប់សិស្សថ្នាក់ទី៧ ទី៨ និងទី៨៩ បាននិងកំពុងដំណើរការរៀបចំបោះពុម្ភ២០ម៉ឺនក្បាលសម្រាប់សិស្ស និងសៀវភៅសម្រាប់គ្រូចំនួន៥.០០០ក្បាល ។ នៅឆ្នាំបន្ទាប់នឹងរៀបចំសៀវភៅសម្រាប់សិស្សថ្នាក់ទី៤ ទី៥ និងទី៦បន្ថែមទៀត ។
លោកតុប សំ ប្រធានអង្គភាពប្រឆាំងអំពើពុករលួយបានលើកទឹកចិត្ត និងបន្តជំរុញដល់អង្គភាពប្រឆាំងអំពើពុករលួយក្នុងកិច្ចដំណើរការងាររបស់ខ្លួន ដើម្បីបន្តការអប់រំ បង្កាទប់ស្កាត់ និងការអនុវត្តច្បាប់ ដោយស្មើភាពគ្នាចំពោះមុខច្បាប់ ៕
ចែករំលែកព័តមាននេះ