លោក សម រង្ស៊ី ស្នើឲ្យវៀតណាមគោរពកិច្ចព្រមព្រៀងក្រុងប៉ារីស
រាជធានីភ្នំពេញ ៖ ប្រធានគណបក្សសង្គ្រោះជាតិ លោក សម រង្ស៊ី បានស្នើឲ្យវៀតណាមគោរពកិច្ចព្រមព្រៀងសន្តិភាពក្រុងប៉ារីសឆ្នាំ១៩៩១ ព្រោះ
រាជធានីភ្នំពេញ ៖ ប្រធានគណបក្សសង្គ្រោះជាតិ លោក សម រង្ស៊ី បានស្នើឲ្យវៀតណាមគោរពកិច្ចព្រមព្រៀងសន្តិភាពក្រុងប៉ារីសឆ្នាំ១៩៩១ ព្រោះ
រាជធានីភ្នំពេញ ៖ ប្រធានគណបក្សសង្គ្រោះជាតិ លោក សម រង្ស៊ី បានស្នើឲ្យវៀតណាមគោរពកិច្ចព្រមព្រៀងសន្តិភាពក្រុងប៉ារីសឆ្នាំ១៩៩១ ព្រោះវៀតណាមជាប្រទេសហត្ថលេខីមួយនៃកិច្ចព្រមព្រៀងនេះ ។
ជាមួយគ្នានេះ លោក សម រង្ស៊ី ដែលសរសេរនៅលើបណ្តាញទំនាក់ទំនងសង្គម (Facebook) នៅប៉ុន្មាននាទីមុននេះក៍បានបញ្ជាក់ទៀតថា ដើម្បីជំរុញឲ្យប្រទេសជិតខាងគោរពបូរណភាពទឹកដីនៃប្រទេសកម្ពុជា មធ្យោបាយដែលមានប្រសិទ្ធិភាពជាងគេ នៅពេលនេះ គឺការទាមទារពីសំណាក់រាជរដ្ឋាភិបាលកម្ពុជា ឲ្យមានការអនុវត្តឲ្យបានត្រឹមត្រូវ នូវកិច្ចព្រមព្រៀងទីក្រុងប៉ារីសឆ្នាំ ១៩៩១ ស្តីពីកម្ពុជា ។
បើតាមលោកប្រធានក្រុមតំណាងរាស្រ្តសំឡេងភាគតិចសភា ប្រទេសថៃ ឡាវ និងប្រទេសវៀតណាម ក៏ជាហត្ថលេខី នៃកិច្ចព្រមព្រៀងនេះដែរ ហើយហត្ថលេខីទាំងអស់បានសន្យាថានឹងគោរព ហើយនឹងជួយការពារឯករាជ្យភាព អធិបតេយ្យភាព និងបូរណភាពទឹកដីនៃប្រទេសកម្ពុជាថែមទៀត ក្រោយពីការចុះហត្ថលេខា ថ្ងៃទី២៣ ខែតុលា ឆ្នាំ១៩៩១ មក ។
លោក សម រង្ស៊ី បានសរសេេទៀតថា ដូច្នេះបើប្រទេសណាមួយ រំលោភបូរណភាពទឹកដីនៃប្រទេសកម្ពុជា ប្រទេសនោះនឹងត្រូវសហគមន៍អន្តរជាតិ ថ្កោលទោសយ៉ាងទម្ងន់ ។
ប្រទេសវៀតណាមជាពិសេស នឹងត្រូវរងការថ្កោលទោសបែបនេះ ក្នុងខណៈដែលខ្លួនកំពុងត្រូវការការគាំទ្រពីសហគមន៍អន្តរជាតិ ក្នុងវិវាទរបស់ខ្លួនជាមួយនឹងប្រទេសចិន ទាក់ទងទៅនឹងសមុទ្រចិនខាងត្បូង ។
យ៉ាងណាក៍ដោយ មកដល់ម៉ោង៤និង១៩នាទីរសៀលថ្ងៃទី៣០ កក្កដា ២០១៥ កោះសន្តិភាពមិនអាចរកការសុំអត្ថាធិប្បាយបានភ្លាមៗនៅឡើយទេ ពីតំណាងស្ថានទូតវៀតណាមប្រចាំកម្ពុជា ក៍ដូចជាមន្រ្តីជាន់ខ្ពស់រាជរដ្ឋាភិបាល ជុំវិញសំណេររបស់លោក សម រង្ស៊ី ខាងលើនេះ ៕
ចែករំលែកព័តមាននេះ