ក្រុងប៉ោយប៉ែត ៖ សមត្ថកិច្ចប៉ូលិសក្រុងប៉ោយប៉ែត បានធ្វើការចុះល្បាតពេលយប់ក៏ប្រទះឃើញជនសង្ស័យប្រុស-ស្រី២នាក់ចែកចាយគ្រឿងញៀន កាលពីវេលាម៉ោង១២រំលងអធ្រាត្រឈានចូលថ្ងៃទី២៩ កក្កដា ២០១៥ ស្ថិតនៅចំណុចភូមិបាលិលេយ្យ២ សង្កាត់ប៉ោយប៉ែត ក្រុងប៉ោយប៉ែត ។
ប្រភពបានឱ្យដឹងថា ជនសង្ស័យទាំង២នាក់ ១-ឈ្មោះម៉ាន ចាម អាយុ១៧ឆ្នាំ ភេទស្រី រស់នៅភូមិក្បាលស្ពាន២ ដកហូតថ្នាំញៀនយ៉ាម៉ាចំនួន១៥គ្រាប់ និងម៉ាទឹកកកចំនួន៣ថង់តូច និង២-ឈ្មោះថេង ធី អាយុ២៤ឆ្នាំ ភេទប្រុស រស់នៅភូមិក្បាលស្ពាន២ ដកហូតបានថ្នាំញៀនម៉ាទឹកកក២ថង់តូច ។
លោកអធិការបន្តថា ជនសង្ស័យទាំង២នាក់ក្រោយពេលឃាត់ខ្លួន ពួកគេបានឆ្លើយសារភាពថា ពួកគេពិតជាបានប្រព្រឹត្តល្មើសច្បាប់មែន យោងតាមចម្លើយសារភាពពីជនសង្ស័យរួមទាំងវត្ថុតាង ត្រូវបានកម្លាំងជំនាញរបស់លោកកសាងសំណុំរឿងបញ្ជូនទៅស្នងការខេត្ត ដើម្បចាត់ការបន្ត ។
ចែករំលែកព័តមាននេះ