រាជធានីភ្នំពេញ ៖ ជនសង្ស័យជាមុខសញ្ញាធ្វើសកម្មភាពឆក់កាបូបយ៉ាងសកម្មនៅតាមផ្លូវសាធារណៈម្នាក់ ត្រូវបានកម្លាំងនគរបាលប៉ុស្តិ៍ទំនប់ទឹកធ្វើការស្រាវជ្រាវ និងឃាត់ខ្លួនបាន ខណៈពេលកំពុងដើរល្បាតនៅក្នុងភូមិសាស្ត្ររបស់ខ្លួន ។
រាជធានីភ្នំពេញ ៖ ជនសង្ស័យជាមុខសញ្ញាធ្វើសកម្មភាពឆក់កាបូបយ៉ាងសកម្មនៅតាមផ្លូវសាធារណៈម្នាក់ ត្រូវបានកម្លាំងនគរបាលប៉ុស្តិ៍ទំនប់ទឹកធ្វើការស្រាវជ្រាវ និងឃាត់ខ្លួនបាន ខណៈពេលកំពុងដើរល្បាតនៅក្នុងភូមិសាស្ត្ររបស់ខ្លួន ។ ជនសង្ស័យរូបនេះត្រូវបានកម្លាំងនគរបាលប៉ុស្តិ៍ធ្វើការឃាត់ខ្លួនបានកាលពីវេលាម៉ោង២ និង១៥នាទីរសៀល ថ្ងៃទី២៩ ខែកក្កដា ឆ្នាំ២០១៥ នៅគល់ស្ពានអាកាសស្ទឹងមានជ័យ ក្នុងសង្កាត់ទំនប់ទឹក ខណ្ឌចំការមន ។
តាមប្រភពព័ត៌មានពីមន្ត្រីនគរបាលប៉ុស្តិ៍ម្នាក់បានប្រាប់ឱ្យដឹងថា ជនសង្ស័យជាមុខសញ្ញាចោរឆក់ម្នាក់នេះមានឈ្មោះ ចាប មករា ហៅតឿ អាយុ១៦ឆ្នាំ មុខរបរមិនពិតប្រាកដ ស្នាក់នៅផ្ទះជួលគ្មានលេខ ផ្លូវលេខ២៧១ សង្កាត់ទំនប់ទឹក ខណ្ឌចំការមន ។
ក្រោយពេលឃាត់ខ្លួន សមត្ថកិច្ចដកហូតបានលិខិតឆ្លងដែន អត្តសញ្ញាណប៍ណ្ណ និងកាតគ្រីម៉ូតូរបស់ជនរងគ្រោះចំនួន៤សន្លឹកផងដែរ ។
ជនសង្ស័យត្រូវបានបញ្ជូនទៅកាន់ប៉ុស្តិ៍នគរបាលទំនប់ទឹកដើម្បីធ្វើការសាកសួរ និងធ្វើកំណត់ហេតុបញ្ជូនទៅកាន់អធិការដ្ឋានខណ្ឌចំការមន ដើម្បីចាត់ការទៅតាមច្បាប់បន្តទៀត ៕
ចែករំលែកព័តមាននេះ