ខេត្តកំពត ៖ បុរសចំណាស់ម្នាក់ភ្លើងតណ្ហាដុតរោលរាលធ្វើឲ្យភ្លេចអស់នូវឈាមជ័ររបស់ខ្លួនឯង រហូតហ៊ានប្រព្រឹត្តនូវអំពើមិនគប្បីទៅលើកូនស្រីខ្លួនឯងដែលសង្គមកំពុងស្អប់ខ្ពើម គឺបានចាប់រំលោ.ភកូនស្រីបង្កើតខ្លួនបានសម្រេចរហូតដល់ទៅ៣ដង ។
ខេត្តកំពត ៖ បុរសចំណាស់ម្នាក់ភ្លើងតណ្ហាដុតរោលរាលធ្វើឲ្យភ្លេចអស់នូវឈាមជ័ររបស់ខ្លួនឯង រហូតហ៊ានប្រព្រឹត្តនូវអំពើមិនគប្បីទៅលើកូនស្រីខ្លួនឯងដែលសង្គមកំពុងស្អប់ខ្ពើម គឺបានចាប់រំលោភកូនស្រីបង្កើតខ្លួនបានសម្រេចរហូតដល់ទៅ៣ដង ។ ក្រោយពេលបែកការណ៍ដោយសារកូនស្រីទៅប្តឹងអង្គការលីកាដូ ទើបត្រូវសមត្ថកិច្ចឃាត់ខ្លួនកាលពីវេលាម៉ោង៩ និង៣០នាទីព្រឹក ថ្ងៃទី២៩ កក្កដា ២០១៥ ។
ឪពុកដែលចាប់កូនស្រីខ្លួនឯងរំលោភនេះត្រូវបានសមត្ថកិច្ចឲ្យដឹងថា មានឈ្មោះ អ.ស.ណ អាយុ៥៣ឆ្នាំ មានទីលំនៅឃុំត្រពាំងភ្លាំង ស្រុកឈូក ខេត្តកំពត ។ បុរសរូបនេះមានប្រពន្ធ និងកូន៧នាក់ (ស្រី៣នាក់) ដែលក្មេងស្រីរងគ្រោះជាកូនទី៦ អាយុ១៥ឆ្នាំ បានប្តឹងទៅអង្គការលីកាដូរ ដោយចោទប្រកាន់ថា បានចាប់នាងរំលោភបានសម្រេចចំនួន៣លើក ខណៈនាំនាងទៅព្រៃ ដោយយកលេសថាទៅដាក់អន្ទាក់សត្វសំពោចព្រៃ តែក្រោយពីនាំនាងចេញពីផ្ទះបានចម្ងាយប្រហែលជាង១០០ម៉ែត្រក៏ចាប់នាងរំលោភតែម្តង ។
តាមសំដីក្មេងស្រីរងគ្រោះបានរៀបរាប់ប្រាប់សមត្ថកិច្ចអំពីទង្វើដែលឪពុកបង្កើតរបស់នាងប្រព្រឹត្តមកលើនាងទាំង៣លើកថា លើកទី១ នៅថ្ងៃទី១៩ កក្កដា ២០១៥ លើកទី២ នៅថ្ងៃទី២២ កក្កដា ២០១៥ និងលើកទី៣ នៅថ្ងៃទី២៣ កក្កដា ២០១៥ នៅចំណុចកន្លែងតែមួយ ។
នាងបានឲ្យដឹងទៀតថា ក្រោយពេលឪពុកចាប់រំលោកនាងលើកក្រោយនេះ(លើកទី៣) ទើបនាងលួចប្រាប់ម្តាយ ប៉ុន្តែនាងមិនហ៊ានប្រាប់ចំៗថាឪពុកចាប់រំលោភទេ ដោយខ្លាចឪពុកធ្វើទារុណកម្មមកលើនាង គ្រាន់តែប្រាប់ម្តាយថា ឪពុកដេញចាប់នាងតែប៉ុណ្ណោះ ។ ក្រោយពីប្រាប់ម្តាយហើយ នាងមិនទុកចិត្តខ្លាចម្តាយស្តីបន្ទោសឪពុក ហើយត្រូវឪពុកធ្វើបាប នាងក៏ដាច់ចិត្តលួចរត់ចេញពីផ្ទះ ដើម្បីរកអ្នកជួយសង្គ្រោះដោយមិនបានប្រាប់ម្តាយឲ្យដឹងថា ទៅទីណានោះទេ ។
លោកវរសេនីយត្រីនាយរងការិយាល័យនគរបាបាលព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្ត បានឲ្យដឹងថា នៅពេលក្មេងស្រីរងគ្រោះរត់ចេញពីផ្ទះនោះ នាងបានមកជួបនឹងបុគ្គលិកអង្គការលីកាដូ ប្រចាំការនៅស្រុកឈូក ពេលនោះនាងបានរាយការណ៍ប្រាប់អង្គការអំពីទង្វើររបស់ឪពុកបង្កើតដែលបានប្រព្រឹត្តមកលើរូបនាង ។
ពេលទទួលបានព័ត៌មាននេះ មន្ត្រីអង្គការលីកាដូក៏បាននាំនាងមកដាក់ពាក្យប្តឹងនៅស្នងការដ្ឋាននគរបាលខេត្ត ទើបលោកឧត្តមសេនីយ៍ស្នងការ និងលោកឧត្តមសេនីយ៍ស្នងការរង និងជានាយការិយាល័យកណ្តាលនគរបាលព្រហ្មទណ្ឌ បានដឹកនាំកម្លាំងចុះទៅនាំខ្លួនបុរសជាឪពុកនោះមកកាន់ស្នងការដ្ឋាននគរបាលខេត្តដើម្បីធ្វើការសាកសួរ ។
នៅចំពោះមុខសមត្ថកិច្ច បុរសរូបនេះពុំបានសារភាពនូវទង្វើដែលខ្លួនបានប្រព្រឹត្តទៅលើកូនខ្លួនឯងនោះទេ ។ ប៉ុន្តែតាមការពិនិត្យ និងធ្វើកោសល្យវិច្ច័យពីក្រុមគ្រូពេទ្យដែលសមត្ថកិច្ចនាំក្មេងស្រីរងគ្រោះទៅពិនិត្យនោះ បានសន្និដ្ឋានថា នាងពិតជាបានដាច់សន្ទះព្រហ្មចារីយ៍ពិតប្រាកដមែន ។
ប្រភពដដែលឲ្យដឹងទៀតថា សមត្ថកិច្ចបានហៅម្តាយក្មេងស្រីរងគ្រោះមកសាកសួរជុំវិញករណីខាងលើនេះ ប៉ុន្តែត្រូវបានស្ត្រីជាម្តាយប្រាប់សមត្ថកិច្ចថា រូបគាត់មិនប្តឹងទេ ប៉ុន្តែបើប្តីប្រព្រឹត្តលើកូនខ្លួនឯងអីុចឹងមែននោះ សូមឲ្យផ្តន្ទាទោសតាមច្បាប់ចុះ ឲ្យសមនឹងទង្វើររបស់គាត់ ។
ចំណែកក្មេងរងគ្រោះត្រូវបានអង្គការលីកាដូសហការជាមួយក្រសួងកិច្ចការនារី នាំទៅកាន់មណ្ឌល ដើម្បីព្យាបាល និងថែទាំសុខភាព ។ រីឯឪពុកជាជនសង្ស័យត្រូវបានសមត្ថកិច្ចកសាងសំណុំរឿងបញ្ជូនទៅតុលាការដើម្បីចាត់ការតាមច្បាប់ ៕
ចែករំលែកព័តមាននេះ