ខេត្តសៀមរាប ៖ ប្រជាពលរដ្ឋជិត១០០នាក់បានលើកគ្នាធ្វើការតវ៉ាប្រឆាំងមិនឱ្យក្រុមហ៊ុនឈ្មោះប្រាក់ តិ ដឹកដី ខណៈរថយន្តដឹកដីនោះ បានធ្វើឱ្យខូចផ្លូវលំមួយខ្សែនេះ បណ្តាលឱ្យប្រជាពលរដ្ឋពិបាកក្នុងការធ្វើដំណើរយ៉ាងខ្លាំង ។
ខេត្តសៀមរាប ៖ ប្រជាពលរដ្ឋជិត១០០នាក់បានលើកគ្នាធ្វើការតវ៉ាប្រឆាំងមិនឱ្យក្រុមហ៊ុនឈ្មោះប្រាក់ តិ ដឹកដី ខណៈរថយន្តដឹកដីនោះ បានធ្វើឱ្យខូចផ្លូវលំមួយខ្សែនេះ បណ្តាលឱ្យប្រជាពលរដ្ឋពិបាកក្នុងការធ្វើដំណើរយ៉ាងខ្លាំង ។
ហេតុការណ៍នេះកើតឡើងកាលពីថ្ងៃទី២៧ កក្កដា ២០១៥ ស្ថិតក្នុងភូមិអន្លង់ពីរ ឃុំត្រពាំងធំ ស្រុកប្រាសាទបាគង ខេត្តសៀម
រាប ។
ប្រភពពីប្រជាពលរដ្ឋបានលើកឡើងថា ពួកគាត់មិនមែនចង់បិទផ្លូវសាធារណៈមិនឱ្យពលរដ្ឋជិតឆ្ងាយធ្វើចរាចរណ៍នោះទេ ការធ្វើនេះ គឺប្រឆាំងមិនឱ្យក្រុមហ៊ុនឈ្មោះប្រាក់ តិ បើករថយន្តដឹកដីបំផ្លាញផ្លួវបន្តទៀត ។
ប្រភពបន្តថា ជាច្រើនឆ្នាំមកហើយ ដែលក្រុមហ៊ុនខាងលើ រកស៊ីបំផ្លាញផ្លូវរបស់ពលរដ្ឋ តែមិនដែលឃើញមានសមត្ថកិច្ចជំនាញណាម្នាក់ ចេញមុខមកធ្វើការហាមឃាត់ ឬហៅទៅណែនាំឡើយ ។ ផ្លូវលំមួយខ្សែនេះ ជាផ្លូវមូលនិធិឃុំដែលពលរដ្ឋបានរៃអង្គាសគ្នាចូលរួមស្ថាបនាកសាងផ្លូវកាលពីកន្លងមក។
ប្រភពបញ្ជាក់ថា ក្នុងពេលពួកគាត់ធ្វើការបិទផ្លូវនោះ ត្រូវបានខាងក្រុមហ៊ុន ប្តឹងពួកគាត់ដោយចោទថា បិទផ្លូវសាធារណៈ ហើយឃុំបានកោះហៅពួកគាត់ឱ្យចូលខ្លួនមកបំភ្លឺជុំវិញករណីខាងលើនោះ ។ លុះពេលពួកគាត់មកកាន់សាលាឃុំ បែរជាខាងក្រុមហ៊ុន មិនព្រមចូលខ្លួនមកដោះស្រាយជាមួយពួកគាត់សោះ ហើយក្រុមហ៊ុននោះនៅតែបន្តការដឹកបំផ្លាញផ្លូវដដែល ទើបពួកគាត់សម្រចលើកគ្នាមកតវ៉ាបិទផ្លូវមិនឱ្យបើកបរដឹកដីតទៅទៀត។
ប្រភពបានបញ្ជាក់ទៀតថា ពេលដែលពួកខ្ញុំធ្វើនេះក៏ឃើញមានវត្តមានខាងអាជ្ញាធរស្រុក មកប្រាប់ឱ្យពួកខ្ញុំ ត្រឡប់ទៅវិញសិនទៅ ចាំធ្វើការដោះស្រាយសម្របសម្រួលគ្នាជាក្រោយ ដោយមានការសម្របសម្រួលពីអាជ្ញាធរ ទើបពួកគាត់សម្រចចិត្តត្រឡប់ទៅផ្ទះរៀងៗខ្លួនវិញ។ ប៉ុន្តែប្រសិនបើ ក្នុងរយៈពេលខ្លីខាងមុខនេះ អាជ្ញាធរ មិនមានដំណោះស្រាយជូនពួកគាត់នោះទេ គឺនាំគ្នាទៅបិទផ្លូវសាជាថ្មីម្តងទៀតជាលើកទី២ ប្រឆាំងនិងក្រុមហ៊ុននោះ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ