ខេត្តកំពង់ឆ្នាំង ៖ ផ្ទះប្រជាពលរដ្ឋក្នុងក្រុងកំពង់ឆ្នាំងចំនួន១៧ខ្នង ក្នុងនោះផ្ទះចំនួន១២ខ្នងបានរបើកដំបូល និង៥ខ្នងរលំដល់ដី ដោយសារខ្យល់ព្យុះកន្ត្រាក់ កាលពីវេលាម៉ោង៥ និ១៥នាទីល្ងាច
ខេត្តកំពង់ឆ្នាំង ៖ ផ្ទះប្រជាពលរដ្ឋក្នុងក្រុងកំពង់ឆ្នាំងចំនួន១៧ខ្នង ក្នុងនោះផ្ទះចំនួន១២ខ្នងបានរបើកដំបូល និង៥ខ្នងរលំដល់ដី ដោយសារខ្យល់ព្យុះកន្ត្រាក់ កាលពីវេលាម៉ោង៥ និ១៥នាទីល្ងាច ថ្ងៃទី២៨ កក្កដា ២០១៥ ខណៈមានភ្លៀង និងខ្យល់រយៈពេលជាង១ម៉ោង ។
លោក ឆាយ ខេមរត្ន័ អធិការរងនគរបាលក្រុងកំពង់ឆ្នាំងបាននិយាយថា តាមរបាយការណ៍របស់អាជ្ញាធរសង្កាត់ និងនគរបាលប៉ុស្តិ៍មូលដ្ឋានបានរាយការណ៍ឱ្យដឹងថា ខ្យល់កន្ត្រាក់ និងព្យុះភ្លៀង កាលពីល្ងាចថ្ងៃទី២៨ កក្កដា ២០១៥ បានធ្វើឱ្យផ្ទះប្រជាពលរដ្ឋនៅក្នុងសង្កាត់២ រងផលប៉ះពាល់ចំនួន១៧ខ្នង នៅក្នុងនោះផ្ទះ១២ខ្នង បានប៉ើងដំបូល និងជញ្ជាំង និងផ្ទះ៥ខ្នងទៀតបានរលំដល់ដី។
ផ្ទះរបស់ប្រជាពលរដ្ឋដែលរងគ្រោះទាំងអស់ខាងលើនេះ គឺនៅក្នុងភូមិទី៤ សង្កាត់ខ្សាម មានចំនួន៧ខ្នង នៅក្នុងភូមិចុងកោះ៧ខ្នង ជារបស់បងប្អូនខ្មែរអ៊ិស្លាម និងនៅក្នុងភូមិកោះក្របីក្រោម សង្កាត់ផ្សារឆ្នាំង ចំនួន២ខ្នង។
ប្រជាពលរដ្ឋរងគ្រោះដោយគ្រោះធម្មជាតិខាងលើនេះ អាជ្ញាធរសង្កាត់កំពុងចុះស្រង់ឈ្មោះធ្វើរបាយការណ៍លំអិតដើម្បីរាយការណ៍ជូនលោកប្រធានសាខាកាកបាទក្រហមក្រុងកំពង់ឆ្នាំងត្រៀមយកអំណោយសង្គ្រោះបន្ទាន់របស់កាកបាទក្រហមខេត្តយកទៅចែកជូនជនរងគ្រោះ៕
ចែករំលែកព័តមាននេះ