រាជធានីភ្នំពេញ ៖ កាលពីវេលាព្រឹកថ្ងៃទី២៩ កក្កដា ២០១៥ នេះ អនុសាខាកាកបាទក្រហមខណ្ឌមានជ័យ ដឹកនាំដោយលោកពេជ្រ កែវមុនី អភិបាលខណ្ឌមានជ័យ និងជាប្រធានកិត្តិយសកាកបាទក្រហមប្រចាំខណ្ឌ, លោកឌី រ័ត្នខេមរុណ អភិបាលរងខណ្ឌ និងជាប្រធានអនុសាខាកាកបាទក្រហមខណ្ឌ រួមទាំងមានការចូលរួមពីលោកសេង សាញ់ ចៅសង្កាត់ស្ទឹងមានជ័យ នាំយកអំណោយសម្តេចកិត្តិព្រឹទ្ធិបណ្ឌិត ប៊ុន រ៉ានី ហ៊ុនសែន ទៅចែកជូនប្រជាពលរដ្ឋទីទ័លក្រចំនួន២០គ្រួសារ ដែលរស់នៅក្នុងសង្កាត់ស្ទឹងមានជ័យ ខណ្ឌមានជ័យ ។
អំណោយដែលត្រូវចែកជូនក្នុង១គ្រួសារៗមានអង្ករ២៥គីឡូក្រាម, មី១កេស, ត្រីខ១យួរ, ទឹកដោះគោ, ទឹកក្រូច, ស្ករ.ស , ឃីត១ (មុង ភួង សារុង ក្រមា) និងថវិកាចំនួន៥ម៉ឺនរៀល ។
ឆ្លៀតក្នុងឱកាសនោះ លោកពេជ្រ កែវមុនី ក៏បានធ្វើការសំណេះសំណាល និងផ្តែផ្តាំផ្ញើជាមួយបងប្អូនប្រជាពលរដ្ឋទាំង២០គ្រួសារ ឱ្យចេះថែរក្សានូវសុខភាពអនាម័យឱ្យបានល្អ ។ ចៀសវាងជំងឺឈឺស្កាត់កើតមានលើខ្លួន ពោលគឺត្រូវរស់នៅស្អាតហូបស្អាតជា
និច្ច ។
ចែករំលែកព័តមាននេះ