រាជធានីភ្នំពេញ ៖ ម៉ូតូឌ្រីមមួយគ្រឿង ត្រូវរថយន្តកុងតឺន័រកៀរដួលហើយកិនដាច់កង់មុខ សំណាងល្អអ្នកបើកបានខ្ទាតចេញពីម៉ូតូរងរបួសរលាត់ដៃជើង ដែលហេតុការណ៍នេះកើតឡើង កាលពីវេលាម៉ោង៨យប់ថ្ងៃទី២៧ កក្កដា ២០១៥ ស្ថិតនៅតាមផ្លូវវេងស្រេង មុខផ្សារកាណាស៊ីធី ក្នុងភូមិចោមចៅ សង្កាត់ចោមចៅ ខណ្ឌពោធិ៍សែនជ័យ ។
រាជធានីភ្នំពេញ ៖ ម៉ូតូឌ្រីមមួយគ្រឿង ត្រូវរថយន្តកុងតឺន័រកៀរដួលហើយកិនដាច់កង់មុខ សំណាងល្អអ្នកបើកបានខ្ទាតចេញពីម៉ូតូរងរបួសរលាត់ដៃជើង ដែលហេតុការណ៍នេះកើតឡើង កាលពីវេលាម៉ោង៨យប់ថ្ងៃទី២៧ កក្កដា ២០១៥ ស្ថិតនៅតាមផ្លូវវេងស្រេង មុខផ្សារកាណាស៊ីធី ក្នុងភូមិចោមចៅ សង្កាត់ចោមចៅ ខណ្ឌពោធិ៍សែនជ័យ ។
ប្រភពបានឱ្យដឹងថា មុនពេលកើតហេតុ រថយន្តបង្កម៉ាកនីស្សាន់ឌីសែល ពណ៌ស ពាក់ស្លាកលេខភ្នំពេញ 3A-2817 ជាប្រភេទរថយន្តកុងតឺន័រ ធ្វើដំណើរពីលិចទៅកើត ស្របគ្នាជាមួយម៉ូតូហុងដាឌ្រីម ពណ៌ស្វាយ ពាក់ស្លាកលេខភ្នំពេញ 1AQ 6276 បើកបរដោយបុរសម្នាក់ឈ្មោះម៉ៅ គា អាយុ២៨ឆ្នាំ ជាជាងសំណង់ ស្នាក់នៅភូមិត្រពាំងថ្លឹង ក្នុងសង្កាត់ចោមចៅ ខណ្ឌពោធិ៍សែនជ័យ មានស្រុកកំណើតនៅស្រុករមាសហែក ខេត្តស្វាយរៀង ។
ក្រោយពេលកើតហេតុ រថយន្តបង្កមិនបានឈប់ទេ ព្យាយាមបើករត់ទៅមុខបាន១០០ម៉ែត្រ ត្រូវជនរងគ្រោះងើបរត់ដេញតាមហើយមានប្រជាពលរដ្ឋជួយអន្តរាគមន៍ស្ទាក់រថយន្តឈប់ ហើយអ្នកបើកបរគេចខ្លួនបាត់ស្រមោល នៅសល់តែរថយន្ត និងម៉ូតូសមត្ថកិច្ចធ្វើការវាស់វែងយកទៅដោះស្រាយនៅអធិការដ្ឋានខណ្ឌពោធិ៍សែនជ័យ ។
ចែករំលែកព័តមាននេះ