ក្រុងប៉ោយប៉ែត ៖ សមត្ថកិច្ចប៉ូលិសផ្នែកសណ្តាប់ធ្នាប់សាធារណៈក្រុងប៉ោយប៉ែត កាលពីព្រឹកថ្ងៃទី២៧ កក្កដា បានចុះរៀបចំសណ្តាប់ធ្នាប់សាធារណៈនៅទីប្រជុំជនចំណុចច្រកទ្វារអន្តរជាតិប៉ោយប៉ែត និងតាមដងផ្លូវជាតិលេខ៥ រហូតដល់ផ្លូវកែងទល់មុខធនាគារអេស៊ីលីដា ស្ថិតក្នុងភូមិបាលិលេយ្យ សង្កាត់ប៉ោយប៉ែត ក្រុងប៉ោយប៉ែត ។
លោកអនុសេនីយ៍ឯក សៅ សារឿន នាយផ្នែកសណ្តាប់ធ្នាប់សាធារណៈក្រុងប៉ោយប៉ែត បានឲ្យដឹងថា យោងតាមបទបញ្ជាពី លោកវរសេនីយ៍ត្រី អ៊ុំ សុផល អធិការនគរបាលក្រុង និងលោកឧត្តមសេនីយ៍ត្រី អាត់ ខែម ស្នងការនគរបាលខេត្ត ទើបកម្លាំងសមត្ថកិច្ចរបស់លោក ចុះរៀបចំសណ្តាប់ធ្នាប់តាមដងផ្លូវសាធារណៈ និងធ្វើការណែនាំដល់ប្រជាពលរដ្ឋ រួមទាំងក្រុមអ្នករត់តាក់ស៊ីគ្រប់ប្រភេទ ត្រូវគោរពច្បាប់ចរាចរណ៍ឲ្យបានត្រឹមត្រូវតាមច្បាប់ដែលបានកំណត់ ។
លោកអនុសេនីយ៍ឯក បានបន្តថា ការរៀបចំសណ្តាប់ធ្នាប់ខាងលើ ដើម្បីឱ្យមានសោភ័ណភាពល្អ ងាយស្រួលដល់ភ្ញៀវទេសចរជាតិនិងអន្តរជាតិធ្វើដំណើរឆ្លងកាត់ និងចៀសវៀងការកកស្ទះចរាចរណ៍ផងដែរ ៕
ព័ត៌មានលម្អិតមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ