ខេត្តបន្ទាយមានជ័យ ៖ ប្រជាពលរដ្ឋប្រមាណ៣០នាក់ រស់នៅក្នុងភូមិបាលិលេយ្យ២ (ចំណុចឡធ្យូង) សង្កាត់និងក្រុងប៉ោយប៉ែត បានលើកគ្នាទៅតវ៉ានៅ
ខេត្តបន្ទាយមានជ័យ ៖ ប្រជាពលរដ្ឋប្រមាណ៣០នាក់ រស់នៅក្នុងភូមិបាលិលេយ្យ២ (ចំណុចឡធ្យូង) សង្កាត់និងក្រុងប៉ោយប៉ែត បានលើកគ្នាទៅតវ៉ានៅមុខសាលាក្រុងប៉ោយប៉ែត ទាមទារឲ្យលោក ឱក សុផាន អតីតសមាជិកអភិវឌ្ឍន៍កសិកម្មជាតិបញ្ឈប់ការសាងសង់យកដីចំណីផ្លូវសាធារណៈធ្វើជាកម្មសិទ្ឋិ ។
បើតាមអ្នកឆ្លើយឆ្លងព័ត៌មានកោះសន្តិភាពបានឲ្យដឹងនៅប៉ុន្មាននាទីមុននេះថា នៅពេលនៅពេលនេះ អភិបាលរងក្រុងប៉ោយប៉ែត លោក ម៉ែន សោភ័ណ្ឌ បានចេញមកសម្របសម្រួល ប៉ុន្តែក្រុមអ្នកភូមិមិនព្រម ដោយអះអាងថា ការតវ៉ាជាច្រើនដងមកហើយ នៅតែពុំមានដំណោះស្រាយ ។
ចំណែកខាងអាជ្ញាធរបានលើកឡើងដែរថា សំណុំរឿងនេះកំពុងស្ថិតក្នុងនីតិវិធីរបស់តុលាការគឺផុតពីដៃអាជ្ញាធរហើយ ដោយសារភាគីលោក ឱក សុផាន ដាក់ពាក្យប្តឹង។
ព័ត៌មានលម្អិតនឹងមានផ្សាយជូននៅលើសារព័ត៌មានកោះសន្តិភាព ៕
ចែករំលែកព័តមាននេះ