រាជធានីភ្នំពេញ ៖ រថយន្តស៊េរីទំនើបម៉ាកឡង់គ្រីស្ស័រប្រាដូមួយគ្រឿងរបស់លោកនាយឧត្តមសេនីយ៍ នាង ផាត ជាមន្ត្រីជាន់ខ្ពស់របស់ក្រសួងការពារជាតិ បានរងនូវការខូចខាតក្រពឹតអស់មួយចំហៀងយ៉ាងដំណំ ខណៈពេលដែលអ្នកបើកបររបស់លោកបើកបត់នៅចំណុចរបាំងថ្មពុះចែកទ្រូងផ្លូវ ហើយត្រូវម៉ូតូមួយគ្រឿងបើកបរដោយយុវជនម្នាក់ក្នុងល្បឿនយ៉ាងលឿនបើកមកបុកតែម្តងនោះ ។
ហេតុការណ៍នេះ កើតឡើងកាលពីវេលាម៉ោង១២ និង៣០នាទីថ្ងៃថ្ងៃទី២៧ កក្កដា ២០១៥ ស្ថិតនៅខាងមុខក្រសួងសង្គមកិច្ច អតីតយុទ្ធជន និងយុវនីតិសម្បាទាផ្លូវព្រះមុនីវង្ស ក្នុងសង្កាត់បឹងត្របែក ខណ្ឌចំការមន ។
តាមប្រភពឱ្យដឹងថា រថយន្តស៊េរីទំនើបមួយគ្រឿងម៉ាកឡង់គ្រីស័រប្រាដូ ពណ៌.ស ពាក់ស្លាកលេខភ្នំពេញ ២X-១៩៥៩ បើកបរដោយអ្នកបើកបរម្នាក់ បានរងការខូចខាតក្រពឹតអស់មួយចំហៀងខាងឆ្វេង ខណៈដែលបត់ត្រឡប់ក្រោយនៅចំណុចរបាំងថ្មពុំចែកទ្រូវផ្លូវ ហើយត្រូវម៉ូតូម៉ាកវ៉េវ ពណ៌.ស ពាក់ស្លាកលេខភ្នំពេញ ១CU-២១៥៦ ដែលបើកបរដោយយុវជនម្នាក់បើកមកបុកនោះ។
តាមប្រភពដដែលបានប្រាប់បន្តទៀតថា មុនពេលកើតហេតុទាំងរថយន្ត និងម៉ូតូគឺបើកបរក្នុងទិសដៅពីជើងទៅត្បូងស្របទិសគ្នា លុះដល់កន្លែងកើតហេតុ អ្នកបើកបររថយន្តរបស់លោកនាយឧត្តមសេនីយ៍ ក៏បានបើកបត់ឆ្វេងត្រឡប់ទៅក្រោយវិញនៅចំណុចក្បាលរនាំងថ្មពុំចែកទ្រូងផ្លូវដែលមានស្លាកសញ្ញាអាចបត់បាន ហើយក៏ត្រូវម៉ូតូមួយគ្រឿងនោះ បើកមកបុកពេញទំហឹងតែម្តង បណ្តាលឱ្យរថយន្តរងការខូចខាតក្រពឹតអស់មួយចំហៀង ចំណែកឯយុវជនរូបនោះរងរបួសបែកច្រមុះ និងម៉ូតូរងការខូចខាតបន្តិចបន្ទួច ។
ក្រោយពេលកើតហេតុ លោកនាយឧត្តមសេនីយ៍នាង ផាត ត្រូវបានរថយន្តមួយគ្រឿងទៀតមកទទួលយកដោយសារតែលោកមានភារកិច្ចជាច្រើនទៀតដែលត្រូវបំពេញបន្ត នៅសល់តែអ្នកបើកបររបស់លោក និងរថយន្តនៅនឹងកន្លែងកើតហេតុ ដើម្បីធ្វើទុកអោយកម្លាំងនគរបាលជំនាញធ្វើការវាស់វែង ដើម្បីរកខុសត្រូវ។
គេបានឃើញមានវត្តមានរបស់កម្លាំងនគរបាល និងកម្លាំងកងរាជអាវុធហត្ថខណ្ឌចំការមនជាច្រើននាក់បានចុះមកពិនិត្យកន្លែងកើតហេតុភ្លាមៗ និងធ្វើការវាស់វែងបញ្ជូនទាំងរថយន្តនិងម៉ូតូទៅកាន់អធិការដ្ឋានខណ្ឌដើម្បីរងចាំធ្វើការដោះស្រាយគ្នាជាបន្តទៀតផងដែ ។
ចែករំលែកព័តមាននេះ