រាជធានីភ្នំពេញ ៖ បុរសម្នាក់បានរងរបួសធ្ងន់ដោយសាររថយន្តបាឡែនមួយគ្រឿងបើកបុកនៅត្រង់ចំណុចផ្លូវបំបែកជា៤ លេខ១១៣កែងនិងផ្លូវលេខ២៧៨ ក្នុងសង្កាត់បឹងកេងកងទី២ ខណ្ឌចំការមន
រាជធានីភ្នំពេញ ៖ បុរសម្នាក់បានរងរបួសធ្ងន់ដោយសាររថយន្តបាឡែនមួយគ្រឿងបើកបុកនៅត្រង់ចំណុចផ្លូវបំបែកជា៤ លេខ១១៣កែងនិងផ្លូវលេខ២៧៨ ក្នុងសង្កាត់បឹងកេងកងទី២ ខណ្ឌចំការមន កាលពីវេលាម៉ោង១២ និង១៥នាទីថ្ងៃត្រង់ ថ្ងៃទី២៧ កក្កដា។
តាមប្រភពព័ត៌មានពីកន្លែងកើតហេតុបានប្រាប់ឱ្យដឹងថា បុរសរងគ្រោះជិះម៉ូតូម៉ាកហុងដា C125 ព៌ណខ្មៅ ពាក់ស្លាកលេខភ្នំពេញ១BV-៨២៨៧ តែម្នាក់ឯង ដោយមានកាន់ស្រាក់បាយមួយស្រាក់ទំនងជាយកបាយទៅឱ្យប្រពន្ធលក់ដូរនៅឯផ្សាក្នុងទិសដៅពីត្បូងទៅជើង។
លុះមកដល់កន្លែងកើតហេតុជាចំណុចផ្លូវបំបែកជា៤នោះក៏ស្រាប់តែមានរថយន្តម៉ាកកាមរីបាឡែនមួយគ្រឿង ព៌ណស្លែ ពាក់ស្លាកលេខភ្នំពេញ២Q-៦៦៣៨ បើកបរក្នុងល្បឿនយ៉ាងលឿនក្នុងទិសដៅពីកើតទៅលិចមកដល់ក៏បុកចំពាក់កណ្តាលម៉ូតូបណ្តាលឱ្យដួលចូលក្រោមរថយន្តតែម្តង តែសំណាងល្អបុរសរងគ្រោះខ្ទាតចេញឆ្ងាយពីរថយន្ត។
ក្រោយពេលកើតហេតុគេឃើញបុរសជាអ្នកបើកបររថយន្តបានចុះមកជួយធ្វើចលនាសង្គ្រោះ និងលើកបុរសរងគ្រោះទៅដាក់លើចិញ្ចើមផ្លូវ មួយសន្ទុះក្រោយមកត្រូវក្រុមគ្រួសារមកដឹកតាមម៉ូតូទៅកាន់មន្ទីរព្យាបាលភ្លាមៗដែរ៕
ចែករំលែកព័តមាននេះ