រាជធានីភ្នំពេញ ៖ ធនាគារ CIMB បានបើកដំណើរការសេវាធនាគារតាមប្រព័ន្ធអុីនធើរណេតឈ្មោះថា BizChannel@CIMB ដោយផ្តល់នូវដំណោះស្រាយសម្រាប់ធុរកិច្ចរបស់ធនាគារCIMB និងអតិថិជនសាជីវកម្ម
រាជធានីភ្នំពេញ ៖ ធនាគារ CIMB បានបើកដំណើរការសេវាធនាគារតាមប្រព័ន្ធអុីនធើរណេតឈ្មោះថា BizChannel@CIMB ដោយផ្តល់នូវដំណោះស្រាយសម្រាប់ធុរកិច្ចរបស់ធនាគារCIMB និងអតិថិជនសាជីវកម្ម ព្រមទាំងអតិថិជន CIMB Preferred ទាំងអស់ប្រើប្រាស់គ្រប់គ្រងសាច់ប្រាក់ តាមប្រព័ន្ធអីុនធើរណេត ។
BizChannel@CIMB ផ្តល់ដំណោះស្រាយគ្រប់គ្រងសាច់ប្រាក់យ៉ាងទូលំទូលាយនិងជាក់លាក់ ជាពិសេសការគ្រប់គ្រងលំហូរសាច់ប្រាក់ និងតម្រូវការប្រតិបត្តិការវិលជុំរបស់ធុរកិច្ចផ្សេងៗគ្នា ។
លោក ប៊ុន យីន ប្រធាននាយកប្រតិបត្តិធនាគារCIMBនៅកម្ពុជា បានមានប្រសាសន៍ថា សេវាកម្មនេះនឹងផ្តល់ជូននូវការបំពេញធុរកិច្ចរបស់ធនាគារយើងខ្ញុំ និងក្រុមហ៊ុនសាជីវកម្មក្នុងការគ្រប់គ្រងជាអតិបរមានូវលំហូរសាច់ប្រាក់បានគ្រប់ពេលវេលា និងគ្រប់ទីកន្លែង ។ សេវាធនាគារតាមប្រព័ន្ធអុីនធើរណេត ផ្តល់ជូននូវសេវាកម្មធនាគារនានានូវភាពងាយស្រួល ប្រកបដោយប្រសិទ្ធភាព ដោយអនុញ្ញាតឱ្យអតិថិជនផ្តោតលើការគ្រប់គ្រង និងបង្កើននូវធុរកិច្ចរបស់ខ្លួន ។ ម្យ៉ាងវិញទៀត ការតាមដានគណនីដូចជាការទាញយករបាយការណ៍គណនី ពិនិត្យសមតុល្យគណនី ផ្ទេរប្រាក់ក្នុង/ក្រៅប្រទេស គ្រប់គ្រងការទូទាត់ទាំងដុលដូចជា បើកប្រាក់បៀវត្សរ៍ជាដើម គឺមានភាពងាយស្រួលក្នុងការប្រើប្រាស់ជាមួយនឹងសេវា BizChannel@CIMB នេះណាស់ ។
លោកបន្តថា នៅពេលសហគមន៍សេដ្ឋកិច្ចអាស៊ានចូលមកដល់ ហើយបណ្តាក្រុមហ៊ុនក្នុងស្រុកត្រូវការពង្រីកខ្លួនចូលក្នុងតំបន់អាស៊ាន សេវា BizChannel នៅតែអាចអនុញ្ញាតឱ្យការគ្រប់គ្រងលំហូរសាច់ប្រាក់របស់អតិថិជនបានដដែល និងផ្តល់លទ្ធភាពដល់លោកអ្នកក្នុងការបង្កើនការធ្វើប្រតិបត្តិការជាមួយប្រទេសជាសមាជិកអាស៊ានផ្សេងៗទៀត ។
គួរបញ្ជាក់ថា ធនាគារ ស៊ីអាយអិមប៊ី ភីអិលស៊ី ជាបុត្រសម្ព័ន្ធនៃស៊ីអាយអិមប៊ី គ្រុប ដែលជាធនាគារសាកលនាំមុខគេមួយរបស់អាស៊ាន។ នៅក្នុងប្រទេសកម្ពុជា ធនាគារ CIMB មានប្រតិបត្តិការ ១១ សាខា នៅក្នុងទីក្រុងភ្នំពេញ ខេត្តសៀមរាប ខេត្តព្រះសីហនុ ខេត្តកំពង់ចាម និងខេត្តបាត់ដំបង ដែលបានផ្តល់ជូននូវផលិតផល និងសេវាកម្មធនាគារដ៏ធំទូលាយ សម្រាប់បុគ្គល ធុរកិច្ច និងសហគ្រាសធំៗ ៕
ចែករំលែកព័តមាននេះ