បើមិនចំណេញ កុំ !!
អ្នករកទទួលទានដែលហៅថា ឈ្មួញ… ទោះឈ្មួញណាក៏ដូចឈ្មួញណាដែរ តែងតែចង់បានចំណេញ… ចំណេញតិច… ចំណេញច្រើន ឱ្យតែបានចំណេញ ។ វាជារឿងធម្មតាទេ… ព្រោះអ្នកណាក៏ដោយ… ចង់បានចំណេញដូចតែគ្នា
អ្នករកទទួលទានដែលហៅថា ឈ្មួញ… ទោះឈ្មួញណាក៏ដូចឈ្មួញណាដែរ តែងតែចង់បានចំណេញ… ចំណេញតិច… ចំណេញច្រើន ឱ្យតែបានចំណេញ ។ វាជារឿងធម្មតាទេ… ព្រោះអ្នកណាក៏ដោយ… ចង់បានចំណេញដូចតែគ្នា ។
បោះទុនរកស៊ី… គេសម្លឹងមើលឃើញចំណេញ… បើមិនចំណេញ គ្មានអ្នកណាយកប្រាក់បោះទុនប្រមូលយកខាតទេ… មានតែឆ្កួត !!
សេដ្ឋីឱ្យអាជ័យចាំចំការ ការពារផលដំណាំ… ចង់គោ-ក្របីចូលស៊ីអីស៊ីតាមចិត្តចុះ… ចង់អ្នកណាលួចអីលួចទៅ… អាជ័យអត់ខ្វល់ទេ… ព្រោះចំការនៅដដែល មានអ្នកណាលួចចំការ ?
សង្គមបង្កើតឱ្យមានស្ថាប័នមេព្រៃ ដើម្បីឱ្យជួយការពារតំបន់ព្រៃអភិរក្សទូទាំងប្រទេស ។ ចង់អ្នកណាកាប់ឈើ… កាប់រានព្រៃយកដី… យកអីយកទៅ… តំបន់ព្រៃអភិរក្សនៅកន្លែងដដែល… អញមានខុសអី ?
អ្នករកស៊ីធ្វើនយោបាយ ធ្វើបក្សក៏ដូច្នោះដែរ… វាមិនដែលគេធ្វើដើម្បីខាតទេ ! ធ្វើនយោបាយដើម្បីចំណេញចូលបក្ស… ធ្វើបក្សដើម្បីចំណេញខាងនយោបាយ… ចង់ខុសច្បាប់… ខុសអីខុសទៅ ឱ្យតែចំណេញនយោបាយ !! បើធ្វើនយោបាយមិនរកចំណេញឱ្យបក្សទេ… កុំធ្វើ ! មើលចុះអ្នករកស៊ីធ្វើនយោបាយខ្លះ ដោយសារមិនចេះស្វែងរកចំណេញ ទើបរលំរលាយ… សូម្បីឈ្មោះក៏គេភ្លេចអស់ដែរ ។
ធ្វើបក្ស… ធ្វើនយោបាយ… ធ្វើអ្នកជំនួញ… បើមិនចំណេញទេ… កុំ !!
អាឡេវ
ចែករំលែកព័តមាននេះ