ខេត្តកោះកុង ៖ មេការរបស់ក្រុមហ៊ុនលោកលី យ៉ុងផាត់ ឈ្មោះលោក បុក បច្ចុប្បន្នរស់នៅភូមិស្រែអំបិល ស្រុកស្រែអំបិល ខេត្តកោះកុង បានរងការចោទប្រកាន់ថា បានធ្វើការបូមខ្សាច់បង្កឱ្យបាក់ដីនៅជាប់មាត់ព្រែក ដែលជាដីអាស្រ័យផល និងដីលំនៅឋាន
ខេត្តកោះកុង ៖ មេការរបស់ក្រុមហ៊ុនលោកលី យ៉ុងផាត់ ឈ្មោះលោក បុក បច្ចុប្បន្នរស់នៅភូមិស្រែអំបិល ស្រុកស្រែអំបិល ខេត្តកោះកុង បានរងការចោទប្រកាន់ថា បានធ្វើការបូមខ្សាច់បង្កឱ្យបាក់ដីនៅជាប់មាត់ព្រែក ដែលជាដីអាស្រ័យផល និងដីលំនៅឋាន ចាប់ពីចន្លោះ១០ម៉ែត្រ ទៅ២៥ម៉ែត្រ ក្នុងនោះដំណាំ និងដើមឈើដែលពួកគាត់ធ្លាប់អាស្រ័យផលក៏ត្រូវបាក់ជាហូរហែបន្ទាប់ពីសកម្មភាពបូមខ្សាច់នេះបានកើតឡើង ។
ចំណែកលោក បុក តំណាងក្រុមហ៊ុនខាងលើបានអះអាងថា ការបាក់ដីនេះគឺកើតឡើងដោយសារតែទឹកឡើងបុកច្រាំងទើបបណ្តាលឱ្យបាក់ មិនមានការពាក់ព័ន្ធនឹងសកម្មភាពបូមខ្សាច់នោះទេ ។
ទោះជាយ៉ាងនេះក្តី ក្រុមប្រជាពលរដ្ឋនៅតែចោទប្រកាន់ថា ការបាក់ដីនេះគឺបណ្តាលមកពីសកម្មភាពបូមខ្សាច់ខុសបច្ចេកទេស
និងការមិនទទួលខុសត្រូវរបស់អ្នកដឹកនាំការងារក្នុងមូលដ្ឋាននេះ ។
ទាក់ទិន្នទៅនឹងបញ្ហានេះ ក្រុមអ្នកសារព័ត៌មានបានសួរទៅលោក ប៉ិច សិនយុន ប្រធានមន្ទីររ៉ែ និងថាមពលខេត្តកោះកុងដែរ តែមិនអាចសុំការបំភ្លឺបានទេ ដោយលោកលើកឡើងថា ថ្នាក់លើហាមមិនឱ្យផ្តល់បទសម្ភាសន៍ទេ ៕
ចែករំលែកព័តមាននេះ