គណៈកម្មាធិការជាតិខាងសុខភាព និងផែនការគ្រួសារចិន និងសមាគមអ្នកកាសែតចិនបានធ្វើយុទ្ធនាការរួមគ្នាមួយដើម្បីណែនាំពលរដ្ឋចិនឱ្យបរិភោគផ្លែឈើ២,៥ខាំ និងបន្លែកន្លះគីឡូក្រាមក្នុង១ថ្ងៃ ។
យុទ្ធនាការសម្រាប់ឱ្យមានតុល្យភាពខាងស្បៀងនេះនឹងត្រូវធ្វើក្នុងទីក្រុងធំៗ ពិសេសនៅក្រុងប៉េកាំង សៀងហៃ ក្វាងចូវ និង CHENHGDU ។ ក្នុងសេចក្តីប្រកាសរួម លោក WU LIANGYOU អ្នកទទួលខុសត្រូវគណៈកម្មាធិការជាតិខាងសុខភាព និងផែនការគ្រួសារចិនគូសបញ្ជាក់ថា ការបាត់តុល្យភាពស្បៀងនឹងនាំឱ្យឡើងទម្ងន់ កើតរោគធាត់ និងជំងឺរ៉ាំរ៉ៃនានា ។
យុទ្ធនាការនេះធ្វើឡើងបន្ទាប់ពីរបាយការណ៍ឆ្នាំ២០១៥ ស្តីពីស្បៀង និងជំងឺរ៉ាំរ៉ៃផ្សេងៗរបស់ពលរដ្ឋចិន ចេញផ្សាយដោយគណៈកម្មាធិការខាងលើកាលពីថ្ងៃទី៣០ មិថុនា ដែលរៀបរាប់ពីពលរដ្ឋចិនកាន់តែច្រើនឡើងទម្ងន់ ។
សេចក្តីប្រកាសគូសបញ្ជាក់ថា អត្រាជំងឺធាត់មាន១១,៩% កាលពីឆ្នាំ២០១២ ជាមួយការកើនឡើង៦៧,៧% បើប្រៀបធៀបទៅនឹងឆ្នាំ២០០២ ចំពោះមនុស្សពេញវ័យ និងកើន៦,៤% ចំពោះកុមារ និងក្មេងជំទង់ ៕
ចែករំលែកព័តមាននេះ