ខេត្តមណ្ឌលគិរី ៖ ប្រជាពលរដ្ឋក្នុងឃុំស្រែឈូក ស្រុកកែវសីមាបានសម្តែងភាពសប្បាយរីករាយយ៉ាងខ្លាំងដែលបានទទួលណ្តូងស្នប់សំរាប់ប្រើប្រាស់ ខណៈស្រុកនេះកំពុងជួបបញ្ហាខ្វះទឹក។ អណ្តូងទាំងនោះត្រូវបានអភិបាលខេត្តមណ្ឌលគិរី លោកអេង ប៊ុនហ៊ាង ចុះទៅសម្ពោធដាក់ឱ្យប្រើប្រាស់ជាផ្លូវការ កាលពីថ្ងៃទី៦ កក្កដា ២០១៥ ដោយមានការអញ្ជើញចូលរួមពីមន្ត្រីរាជការ កម្លាំងសមត្ថកិច្ចនគរបាល និងអាវុធហត្ថផងដែរ។
លោកឡុង វិបុល អភិបាលក្រុងសែនមនោរម្យ ដែលជាអ្នករៀបចំកម្មវិធី បានឱ្យដឹងថា អណ្តូងដែលសម្ពោធនាពេលនេះ ចំនួន៩អណ្តូង ជាជំនួយពីក្រុមហ៊ុន រើនេសង់ មីនើរ៉ល់ ខែមបូឌា លីមិតធីត តាមរយៈលោកអភិបាលខេត្តមណ្ឌលគិរី។
ក្រៅពីអណ្តូងក្រុមហ៊ុននេះក៏បានជួយកសាងមណ្ឌលសុខភាពមួយន្ថែមទៀត ដែលនឹងបើកការដ្ឋានសាងសង់ក្នុងពេលឆាប់ៗនេះផងដែរ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ