ខេត្តកណ្ដាល ៖ បុរសវ័យ២៥ឆ្នាំម្នាក់ត្រូវបានសមត្ថកិច្ចប៉ូលិសចាប់ខ្លួនកាលពីថ្ងៃទី០៤ កក្កដា ២០១៥ នៅភូមិបុរីកម្មករ ឃុំបែកចាន ស្រុកអង្គស្នួល ខេត្តកណ្ដាល ពីបទរំលោ.ភក្មេងស្រីអនិតិជន កាលពីកន្លះខែមុន ។
ខេត្តកណ្ដាល ៖ បុរសវ័យ២៥ឆ្នាំម្នាក់ត្រូវបានសមត្ថកិច្ចប៉ូលិសចាប់ខ្លួនកាលពីថ្ងៃទី០៤ កក្កដា ២០១៥ នៅភូមិបុរីកម្មករ ឃុំបែកចាន ស្រុកអង្គស្នួល ខេត្តកណ្ដាល ពីបទរំលោភក្មេងស្រីអនិតិជន កាលពីកន្លះខែមុន ។
សមត្ថកិច្ចបានឱ្យដឹងថា ជនសង្ស័យមានឈ្មោះគុន វិឆៃ អាយុ២៥ឆ្នាំ មុខរបរសន្តិសុខ ស្នាក់នៅភូមិបុរីកម្មករ ឃុំបែកចាន ស្រុកអង្គស្នួល ខេត្តកណ្ដាល ។ រីឯក្មេងស្រីរងគ្រោះអាយុ១៣ឆ្នាំ រស់នៅភូមិជាមួយគ្នា ។
ប្រភពបានឱ្យដឹងទៀតថា មុនពេលកើតហេតុ កាលពីវេលាម៉ោង២ និង៣០នាទីរសៀល ថ្ងៃទី១៩ មិថុនា ២០១៥ ខណៈពេលក្មេងស្រីរងគ្រោះដើរកាត់មុខផ្ទះជនសង្ស័យ ជនសង្ស័យបានស្រែកហៅនាងឱ្យទៅចូលក្នុងផ្ទះ រួចចាប់រំលោភរហូតបានសម្រេច ។ ភ្លាមៗនោះ ក្មេងស្រីរងគ្រោះមិនបានយករឿងត្រូវគេចាប់រំលោភប្រាប់ដល់ម្ដាយមីងឡើយ ។ បន្ទាប់មកក្មេងស្រីរងគ្រោះក៏មានធ្លាក់ឈាម តែស្ត្រីជាម្ដាយមីងមិនបានចាប់អារម្មណ៍នោះទេ ស្មានថាក្មួយស្រីទើបពេញក្រមុំ ទើបមិនបានសួរនាំអ្វីឡើយ ។ ប៉ុន្តែរយៈពេលកន្លះខែក្រោយមក ដោយសារឃើញនាងនៅតែធ្លាក់ឈាមខ្លាំងពេក ម្ដាយមីងក៏បានសួរនាំ ហើយត្រូវនាងប្រាប់ថា ត្រូវជនសង្ស័យនៅក្នុងភូមិជាមួយគ្នាចាប់រំលោភ ទើបម្ដាយមីងបានទៅប្ដឹងប៉ូលិសស្រុកអង្គស្នួលឱ្យចាប់ខ្លួនជនសង្ស័យយកមកផ្តន្ទាទោសតែម្ដង ។
ពេលនេះជនសង្ស័យត្រូវបានសមត្ថកិច្ចប៉ូលិសកសាងសំណុំរឿងបញ្ជូនទៅកាន់សាលាដំបូងខេត្តកណ្ដាល ដើម្បីចាត់ការតាមផ្លូវច្បាប់ហើយ ៕
ចែករំលែកព័តមាននេះ