មជ្ឈមណ្ឌលសន្តិភាព គីម ដេយ៉ុង ឱ្យដឹងកាលពីថ្ងៃទី៦ កក្កដាថា លោកស្រី LEE HEE-HO ភរិយាមេម៉ាយរបស់អតីតប្រធានាធិបតីកូរ៉េខាងត្បូង លោកគីម ដេយ៉ុង នឹងទៅកាន់កូរ៉េខាងជើង នាថ្ងៃទី៥ សីហា
មជ្ឈមណ្ឌលសន្តិភាព គីម ដេយ៉ុង ឱ្យដឹងកាលពីថ្ងៃទី៦ កក្កដាថា លោកស្រី LEE HEE-HO ភរិយាមេម៉ាយរបស់អតីតប្រធានាធិបតីកូរ៉េខាងត្បូង លោកគីម ដេយ៉ុង នឹងទៅកាន់កូរ៉េខាងជើង នាថ្ងៃទី៥ សីហា ដែលលោកស្រីនឹងស្ថិតនៅទីនោះរហូតដល់ថ្ងៃទី៨ សីហា ។
មជ្ឈមណ្ឌល និងគណៈកម្មាធិការដើម្បីសន្តិភាពនៅអាស៊ីប៉ាស៊ីហ្វិករបស់កូរ៉េខាងជើង បានយល់ព្រមឱ្យមានទស្សនកិច្ចមួយនៅកូរ៉េខាងជើងរបស់លោកស្រី LEE ពីថ្ងៃទី៥ ទៅទី៨ សីហា ក្នុងឱកាសនៃកិច្ចប្រជុំមួយនាព្រឹកថ្ងៃទី៦ កក្កដា នៅកាអឺសុង ។
លោក KIM SUNG-JAE អតីតរដ្ឋមន្ត្រីវប្បធម៌ និងជាអ្នកទទួលខុសត្រូវម្នាក់នៃមជ្ឈមណ្ឌលសន្តិភាព គីម ដេយ៉ុង ថ្លែងថា ប្រធានគណៈកម្មាធិការការពារជាតិកូរ៉េខាងជើងលោកគីម ជុងអ៊ុន បានស្នើឱ្យមានការធ្វើដំណើរតាមយន្តហោះ ដោយគិតដល់សុខភាពរបស់លោកស្រី LEE ហើយលោកស្រីក៏យល់ស្របតាម។ លោកអះអាងបែបនេះពេលវិលត្រឡប់ពីកាអឺសុងជាមួយមនុស្ស៤នាក់ទៀតនៅឯការិយាល័យគយ អន្តោប្រវេសន៍ និងចក្តាឡីសកៈឯ PAJU ។
ពេលសួរថា តើលោកស្រី LEE នឹងជិះយន្តហោះកូរ៉េខាងត្បូងឬអត់លោក KIM SUNG JAE ឆ្លើយថា គេត្រូវពិភាក្សាគ្នាទៀត។ លោកថា យើងត្រូវពិភាក្សាគ្នាថែមទៀតដើម្បីកំណត់ថា តើកូរ៉េខាងជើងនឹងបញ្ជូនយន្តហោះមួយមក ឬលោកស្រី LEE នឹងប្រើយន្តហោះកូរ៉េខាងត្បូងមួយគ្រឿង ។ អតីតស្ត្រីទីមួយកូរ៉េខាងត្បូងត្រូវជិះយន្តហោះដែលហោះត្រង់កាត់ពីលើសមុទ្រលឿង ៕
ចែករំលែកព័តមាននេះ