ខេត្តស្វាយរៀង ៖ ជនសង្ស័យម្នាក់ជាមុខសញ្ញាចាស់ ត្រូវកម្លាំងកងរាជអាវុធហត្ថធ្វើការឃាត់ខ្លួន បន្ទាប់ពីធ្វើសកម្មភាពចែកចាយ និងជួញដូរគ្រឿងញៀននៅក្នុងមូលដ្ឋាន កាលពីវេលាម៉ោង០១ និង៥០នាទីរសៀលថ្ងៃទី៥ កក្កដា ២០១៥ ស្ថិតចំណុចផ្លូវលំមួយកន្លែងក្នុងភូមិព្រៃតាញ៉យ ឃុំខ្សែត្រ ស្រុកកំពង់រោទិ៍ ខេត្តស្វាយរៀង ។
ខេត្តស្វាយរៀង ៖ ជនសង្ស័យម្នាក់ជាមុខសញ្ញាចាស់ ត្រូវកម្លាំងកងរាជអាវុធហត្ថធ្វើការឃាត់ខ្លួន បន្ទាប់ពីធ្វើសកម្មភាពចែកចាយ និងជួញដូរគ្រឿងញៀននៅក្នុងមូលដ្ឋាន កាលពីវេលាម៉ោង០១ និង៥០នាទីរសៀលថ្ងៃទី៥ កក្កដា ២០១៥ ស្ថិតចំណុចផ្លូវលំមួយកន្លែងក្នុងភូមិព្រៃតាញ៉យ ឃុំខ្សែត្រ ស្រុកកំពង់រោទិ៍ ខេត្តស្វាយរៀង ។
ប្រភពបានឱ្យដឹងថា ជនសង្ស័យដែលឃាត់ខ្លួនឈ្មោះតឿ វ៉ាន់ដឿន អាយុ៣៥ឆ្នាំ មានទីលំនៅក្នុងភូមិ-ឃុំខាងលើ រួមនិងវត្ថុតាងដែលអូសរឹបបានមាន ១-ម្សៅក្រាមពណ៌.សថ្លា (ម៉ាទឹកកក) ៨កញ្ចប់តូច ២-ថ្នាំគ្រាប់ពណ៌ផ្កាឈូក៤គ្រាប់ ៣-ជញ្ជីងថ្លឹងគ្រឿងញៀន១គ្រឿង ៤-ទូរស័ព្ទដៃម៉ាក Nokia ចំនួន១គ្រឿង ៥-ទូរស័ព្ទដៃម៉ាក iphone ១គ្រឿង ៦-ស៊ីមទូរស័ព្ទចំនួន៣ ៧-ស្លាកលេខម៉ូតូចំនួន២ (ស្លាកលេខវៀតណាម១ និងស្លាកលេខខ្មែរ១) ៨-ដែកកេសចំនួន៨ ៩-ថង់ជ័រសម្រាប់ដាក់គ្រឿងញៀន៦៤កញ្ចប់ និង១០-ឯកសារដែលពាក់ព័ន្ធមួយចំនួនទៀត ។
ប្រភពបានឱ្យដឹងថា ដោយមានការផ្តល់ព័ត៌មានពីប្រជាពលរដ្ឋថា មានការចែកចាយនៅក្នុងភូមិ-ឃុំខាងលើ លោកឧត្តមសេនីយ៍ត្រី សែ វុទ្ធី មេបញ្ជាការកងរាជអាវុធហត្ថខេត្តស្វាយរៀង បានដាក់កម្លាំងអាវុធហត្ថខេត្តស្វាយរៀង សហការជាមួយនិងកម្លាំងកងរាជអាវុធហត្ថស្រុកកំពង់រោទិ៍ ចុះបង្ក្រាបនិងចាប់ឃាត់ខ្លួនបានជនសង្ស័យម្នាក់តែម្តង ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ