ខេត្តកំពង់ឆ្នាំង ៖ ប្រជាពលរដ្ឋក្នុងក្រុងកំពង់ឆ្នាំងបានសម្តែងការក្តីបារម្ភជាខ្លាំង ចំពោះបញ្ហាគ្រឿងញៀន ល្បែងស៊ីសង, ចោរកម្ម ក្មេងទំនើង ដែលកំពុងកើតមាននៅមូលដ្ឋានរបស់ខ្លួន ដែលធ្វើឱ្យប៉ះពាល់ដល់ការរស់នៅរបស់ពួកគាត់ ពិសេសកូនចៅគាត់ដែលងាយនិងរងគ្រោះ ដោយការអូសទាញឱ្យប្រើប្រាស់គ្រឿងញៀន បាត់បង់ការសិក្សា ក្រៅពីនេះនៅមានបញ្ហាបរិស្ថាន និងភាពយឺតយ៉ាវក្នុងការបម្រើសេវាសាធារណៈផងដែរ ។
ប្រជាពលរដ្ឋបានលើកឡើងបែបនេះ ក្នុងវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាក្រុងកំពង់ឆ្នាំងនៅសាលាក្រុងកំពង់ឆ្នាំង កាលពីវេលាព្រឹកថ្ងៃទី០៥ កក្កដា ២០១៥ ។
ប្រជាពលរដ្ឋគ្រប់ភូមិក្នុងសង្កាត់ទាំង៤ ក្នុងក្រុងកំពង់ឆ្នាំង បានលើកឡើងទៀតថា សមត្ថកិច្ចនិងអាជ្ញាធរដូចជាមិនទាន់អនុវត្តបាននៅឡើយ ដូចជានៅមានចន្លោះប្រហោងជាច្រើនក្នុងការអនុវត្ត ។ កត្តាសំខាន់ គឺការចាក់សំរាមគ្មានសណ្តាប់ធ្នាប់ និងរថយន្តដឹកដីមិនគ្របធ្លាក់ពេញផ្លូវធ្វើឱ្យទីក្រុង គ្មានសោភ័ណភាព, បញ្ហាគ្រឿងញៀនឃើញតែចាប់លែងៗនៅមិនទាន់គ្រប់គ្រងបាននៅឡើយ ហើយគ្រឿងញៀនចាប់បានមិនដែលឃើញធ្វើកម្មវិធីកម្ទេចចោលនៅឡើយ, បញ្ហាក្មេងទំនើងនៅតែបង្កអស្ថិរភាពក្នុងសាលាទីសាធារណៈ ធ្វើឱ្យមានអសន្តិសុខក្នុងសង្គម ។ល។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ