រាជធានីភ្នំពេញ ៖ ជនសង្ស័យម្នាក់ពាក់ព័ន្ធក្នុងករណីឃាតក.ម្មវាយសម្លា.ប់មិត្តភក្តិនៅក្នុងវត្តថ្វាយដង្គំ សង្កាត់មនោរម្យ ខណ្ឌ៧មករា កាលពីថ្ងៃទី២ កក្កដា ត្រូវបានសមត្តកិច្ចនគរបាលការិយាល័យព្រហ្មទណ្ឌកម្រិត
រាជធានីភ្នំពេញ ៖ ជនសង្ស័យម្នាក់ពាក់ព័ន្ធក្នុងករណីឃាតកម្មវាយសម្លាប់មិត្តភក្តិនៅក្នុងវត្តថ្វាយដង្គំ សង្កាត់មនោរម្យ ខណ្ឌ៧មករា កាលពីថ្ងៃទី២ កក្កដា ត្រូវបានសមត្តកិច្ចនគរបាលការិយាល័យព្រហ្មទណ្ឌកម្រិតធ្ងន់រាជធានីភ្នំពេញ ចាប់ខ្លួនបានកាលពីថ្ងៃទី៥ កក្កដា នៅក្នុងមជ្ឍមណ្ឌលម៉ុងឌីយ៉ាល់ សង្កាត់ផ្សារដើមគរ ខណ្ឌទួលគោក រាជធានីភ្នំពេញ ។
ជនជាប់សង្ស័យក្នុងករណីឃាតកម្មនេះមានឈ្មោះធូ ពៅ ហៅចាន់ ភេទប្រុស អាយុ២៣ឆ្នាំ មុខរបរ និងទីលំនៅមិនពិតប្រាកដ ចំណែកជនរងគ្រោះក្នុងអំពើឃាតកម្មនោះឈ្មោះ កឺ ភេទប្រុស អាយុប្រហាក់ប្រហែលជនសង្ស័យដែរ និងគ្មានមុខរបរ ទីលំនៅពិតប្រាកដដូចគ្នា ។
ទាក់ទិននឹងការឃាត់ខ្លួនជនសង្ស័យជាឃាតករនោះត្រូវបានលោកវរសេនីយ៍ទោអេង សោភា ប្រធានការិយាល័យនគរបាលព្រហ្មទណ្ឌកម្រិតធ្ងន់រាជធានីភ្នំពេញ ឲ្យដឹងថា កាលពីយប់ថ្ងៃទី២ កក្កដា ២០១៥ មានករ ណីឃាតកម្មវាយសម្លាប់យុវជនម្នាក់ដែលស្នាក់នៅក្នុងវត្តមង្គលវន្ត័ ហៅវត្តថ្វាយដង្គំ ស្ថិតនៅសង្កាត់មនោរម្យ ខណ្ឌ៧មករា ។
ក្រោយកើតមានអំពើឃាតកម្មនោះ ជនដៃដល់បានគេចខ្លួនបាត់ រីឯជនរងគ្រោះត្រូវបានសមត្តកិច្ច រួមជាមួយអាជ្ញាធរមូលដ្ឋានចេញប្រាក់បូជាតាមប្រពៃណីទៅ ។ ក្រោយពីឃាត់ខ្លួនជនសង្ស័យបានសារភាពថា រូបគេពិតជាបានប្រព្រឹត្តអំពើឃាតកម្មវាយសម្លាប់ឈ្មោះ កឺ នោះមែន ។ មូលហេតុដែលគេវាយសម្លាប់ឈ្មោះកឺ ដោយសារតែមានគំនុំទាស់ពាក្យសម្តីគ្នាពីរឿងបាយទឹកនំចំណីនៅក្នុងវត្តពេលរដូវបុណ្យទានធំៗតាំងពីថ្ងៃមុនមក៕
ចែករំលែកព័តមាននេះ