ខេត្តកំពត ៖ អាជ្ញាធរខេត្តកំពត បានដាំកូនឈើប្រមាណជិត១ម៉ឺនដើមនៅតាមបណ្តោយផ្លូវជាតិលេខ៤១ ដែលប្រជាពលរដ្ឋនៅខេត្តកំពតហៅថា «ផ្លូវព្រះអង្គឌួង» នៅក្នុងពិធីបុណ្យរុក្ខទិវា ដែលធ្វើនៅសាលាស្រុកជុំគិរីនៅថ្ងៃទី៦ កក្កដា ២០១៥ នេះ ក្រោមអធិបតីភាពលោកខូយ ឃុនហ៊ួរ អភិបាលខេត្តកំពត។
គួររំលឹកថា ផ្លូវជាតិលេខ៤១នេះ ទើបដាក់សម្ពោធនាពេលថ្មីៗ ក្រោមអធិបតីភាពដ៏ខ្ពង់ខ្ពស់របស់សម្តេចតេជោ ហ៊ុន សែន មានប្រវែងជាង៩៥គីឡូម៉ែត្រ ភ្ជាប់ផ្លូវជាតិលេខ៤ ត្រង់ចំណុចថ្នល់ទទឹង ខេត្តកំពង់ស្ពឺ និងផ្លូវជាតិលេខ៣ ត្រង់ចំណុចភូមិល្អាង ក្នុងស្រុកដងទង់។
ប្រជាពលរដ្ឋក្នុងខេត្តកំពតតែងហៅផ្លូវជាតិលេខ៤១នេះតៗគ្នាថា ផ្លូវព្រះអង្គឌួង ដោយសារផ្លូវនេះ ត្រូវបានកសាងតាំងពីរជ្ជកាលព្រះបាទអង្គឌួង ភ្ជាប់មកផែសមុទ្រទឹកជ្រៅខេត្តកំពត សម្រាប់ផ្លាស់ប្តូរពាណិជ្ជកម្មជាមួយបណ្តាប្រទេសអឺរ៉ុប ដោយមិនបាច់ឆ្លងកាត់ប្រទេសវៀតណាម។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ