ខេត្តតាកែវ៖ ថ្លែងក្នុងពិធីជួបសំណេះសំណាលជាមួយក្រុមប្រឹក្សាចង្កោម៦ឃុំ ក្នុងស្រុកទ្រាំង កាលពីថ្ងៃទី៤ កក្កដា ២០១៥ លោក ម៉ៅ ហាវណ្ណាល់ ប្រធានគណៈពង្រឹងចង្កោម៦ឃុំ ក្នុងស្រុកទ្រាំង
ខេត្តតាកែវ៖ ថ្លែងក្នុងពិធីជួបសំណេះសំណាលជាមួយក្រុមប្រឹក្សាចង្កោម៦ឃុំ ក្នុងស្រុកទ្រាំង កាលពីថ្ងៃទី៤ កក្កដា ២០១៥ លោក ម៉ៅ ហាវណ្ណាល់ ប្រធានគណៈពង្រឹងចង្កោម៦ឃុំ ក្នុងស្រុកទ្រាំង ខេត្តតាកែវ បានថ្លែងថា ភាពរីកចម្រើនរបស់កម្ពុជា រហូតមកដល់មានអ្វីៗគ្រប់បែបយ៉ាងនេះ គឺកើតចេញពីការសន្ទនា ។
លោក ម៉ៅ ហាវណ្ណាល់ បញ្ជាក់ថា កម្ពុជាបានចាប់ផ្តើមពីបាតដៃទទេ ហើយការចាប់ផ្តើមនេះ បើទោះជាមានបញ្ហាអ្វីក៍ដោយ គឺកម្ពុជាបានជ្រើសរើសការដោះស្រាយដោយសន្ទនា និងការដោះស្រាយដោយសន្តិវិធី ។ វប្បធម៌នេះ បានកើនឡើងដោយសារគោលនយោបាយដឹកនាំដ៏ត្រឹមត្រូវពីរាជរដ្ឋាភិបាល ដែលបានធ្វើឱ្យប្រទេសជាតិ មានការអភិវឌ្ឍពីចំណុចគោលដៅមួយ មកចំណុចគោលដៅរាប់ពាន់ ។ រីឯការដោះស្រាយវិញ រាជរដ្ឋាភិបាល ក៏បានកំណត់នូវការដោះស្រាយគ្នាដោយសន្តិវិធីដែរ ។
លោក ម៉ៅ ហាវណ្ណាល់ បានបញ្ជាក់ប្រាប់ដល់ក្រុមប្រឹក្សារបស់គណបក្សប្រជាជនកម្ពុជាទាំង៦ឃុំបន្ថែមថា ទន្ទឹមនឹងភាពរីកចម្រើននេះ សូមឱ្យក្រុមប្រឹក្សាទាំងអស់ ត្រូវបន្តនិងបន្ថែមការជួយដោះស្រាយរាល់ការលំបាករបស់ប្រជាពលរដ្ឋ ហើយការដោះស្រាយទាំងអស់នោះ ត្រូវជ្រើសរើសការសន្ទនាមកដោះស្រាយ មិនត្រូវប្រើអំពើហិង្សាមកដោះស្រាយបញ្ហានោះទេ ។
លោកបញ្ជាក់បន្ថែមថា ពិសេសខែនេះ ជារដូវវស្សា ត្រូវខិលខំជួយប្រជាពលរដ្ឋនូវតម្រូវការចាំបាច់ដែលពួកគាត់ចង់បាន ដើម្បីរាយការណ៍ និងរួមគ្នាដោះស្រាយ ៕
ចែករំលែកព័តមាននេះ