រាជធានីភ្នំពេញ ៖ មានហេតុការណ៍ភ្ញាក់ផ្អើលមួយទាំងព្រឹក ខណៈបុរសម្នាក់ដេកស្លា.ប់នៅមុខរានហាលក្នុងផ្ទះជួលមួយកន្លែង កាលពីវេលាម៉ោង០៦ព្រឹកថ្ងៃទី០៦ កក្កដា ២០១៥ នេះ ស្ថិតនៅចំណុចភូមិព្រៃព្រីងខាងជើង សង្កាត់ចោមចៅ ខណ្ឌពោធិ៍សែនជ័យ ។
រាជធានីភ្នំពេញ ៖ មានហេតុការណ៍ភ្ញាក់ផ្អើលមួយទាំងព្រឹក ខណៈបុរសម្នាក់ដេកស្លាប់នៅមុខរានហាលក្នុងផ្ទះជួលមួយកន្លែង កាលពីវេលាម៉ោង០៦ព្រឹកថ្ងៃទី០៦ កក្កដា ២០១៥ នេះ ស្ថិតនៅចំណុចភូមិព្រៃព្រីងខាងជើង សង្កាត់ចោមចៅ ខណ្ឌពោធិ៍សែនជ័យ ។
ប្រភពបានឱ្យដឹងថា ជនរងគ្រោះឈ្មោះអ៊ន លី អាយុ២៣ឆ្នាំ ជាជាងដែក មានស្រុកកំណើតនៅភូមិត្រពាំងតាសោម ឃុំត្រពាំងធំខាងត្បូង ស្រុកត្រាំកក់ មានប្រពន្ធឈ្មោះភាព អាយុ២០ឆ្នាំ បានទៅសម្រាលកូននៅស្រុកកំណើត ។
ប្រភពពីបងប្អូនជនរងគ្រោះឱ្យដឹងថា កាលពីល្ងាចថ្ងៃទី០៥ កក្កដា ២០១៥ មានការជួបជុំផឹកស៊ីតិចតួចក្នុងគ្រួសារ រហូតដល់វេលាម៉ោង១១យប់ថ្ងៃដដែល ក៏បានចូលទៅដេករៀងៗខ្លួន ។ ប្រភពបន្តថា ពេលនោះជនរងគ្រោះបានចេញទៅដេកនៅរានហាលមុខផ្ទះដូចរាល់ដង ។ លុះរហូតដល់វេលាភ្លឺមិនឃើញជនរងគ្រោះងើបទៅធ្វើការដូចរាល់ដងទេ ហើយត្រូវបងប្អូនដើរទៅដាស់អង្រួនឡើង ស្រាប់តែប្រទះឃើញជនរងគ្រោះមានសភាពរឹងទៅហើយ ដោយមិនដឹងថា ស្លាប់តាំងពីពេលណានោះទេ ។
ប្រភពពីសមត្ថកិច្ចជំនាញឱ្យដឹងថា ជនរងគ្រោះអាចស្លាប់ដោយសារគាំងបេះដូង ព្រោះគ្មានស្លាកស្នាមអ្វីគួរឱ្យកត់សម្គាល់នោះ
ទេ ។
ចែករំលែកព័តមាននេះ