រាជធានីភ្នំពេញ ៖ យុវជនម្នាក់ខឹងម្តាយមិនស្តីដណ្តឹងប្រពន្ធឱ្យ បានទៅផឹកស៊ីរហូតស្រវឹងធ្លាក់ភ្នែក ហើយរត់ទៅដេកឲ្យរថភ្លើងកិនបណ្ដាលឲ្យដាច់ក្បាល ដាច់ដៃ-ជើងស្លា.ប់ភ្លាមៗនៅនឹងកន្លែង។
រាជធានីភ្នំពេញ ៖ យុវជនម្នាក់ខឹងម្តាយមិនស្តីដណ្តឹងប្រពន្ធឱ្យ បានទៅផឹកស៊ីរហូតស្រវឹងធ្លាក់ភ្នែក ហើយរត់ទៅដេកឲ្យរថភ្លើងកិនបណ្ដាលឲ្យដាច់ក្បាល ដាច់ដៃ-ជើងស្លាប់ភ្លាមៗនៅនឹងកន្លែង។
ហេតុការណ៍នេះបានបង្កឲ្យមានការភ្ញាក់ផ្អើលឡើងកាលពីវេលាម៉ោង៦ និង១៥នាទីព្រឹក ថ្ងៃទី០៤ កក្កដា ២០១៥ នៅតាមផ្លូវរថភ្លើងខ្សែរាជធានីភ្នំពេញ ខេត្តកំពត ស្ថិតក្នុងភូមិត្រាញ់តាបាញ់ សង្កាត់ភ្លើងឆេះរទេះ ខណ្ឌពោធិ៍សែនជ័យ រាជធានីភ្នំពេញ ។
យុវជនម្នាក់នោះត្រូវបានគេស្គាល់ឈ្មោះរឿន បូរី អាយុ២១ឆ្នាំ មុខរបរកម្មកររោងចក្រ មានទីលំនៅក្នុងភូមិកើតហេតុខាងលើ ។ ប៉ូលិសបានឲ្យដឹងថា យុវជនរូបនោះបានស្រលាញ់កូនក្រមុំអ្នកស្រុកម្នាក់ដល់ឆ្អឹង ហើយបានតឿនឲ្យស្ត្រីជាម្ដាយចូលស្ដីដណ្ដឹងឲ្យខាងតែបាន ប៉ុន្តែខណៈនោះ ដោយឃើញកូននៅក្មេងខ្ចីពេក ម្យ៉ាងមិនសូវមានលុយផងនោះ ទើបស្ត្រីជាម្ដាយបានប្រាប់ថា ចាំឆ្នាំក្រោយទើបចូលស្ដីដណ្ដឹងឲ្យ។
ខណៈនោះបានធ្វើឲ្យយុវជននោះតូចចិត្តយ៉ាងខ្លាំងក៏បានទៅផឹកស្រារហូតស្រវឹងជោកជាំ។ បន្ទាប់មកបានចូលទៅផ្ទះហើយបានឈ្លោះប្រកែកគ្នាជាមួយម្ដាយម្ដងទៀត និងបានគំរាមថា បើមិនព្រមស្ដីប្រពន្ធឲ្យទេខ្លួននឹងទៅស្លាប់ហើយ រួចកីបានទៅដេកគងក្បាលលើផ្លូវរថភ្លើង ត្រូវរថភ្លើងខ្សែភ្នំពេញ កំពត កិនបណ្ដាលឲ្យដាច់ក្បាល ដាច់ដៃ ដាច់ជើងស្លាប់ភ្លាមៗនៅនឹងកន្លែងតែម្ដង៕
ចែករំលែកព័តមាននេះ