ខេត្តត្បូងឃ្មុំ ៖ ខ្យល់កន្ត្រាក់បានបោកបក់ជាខ្លាំងមកលើលំនៅឋានរបស់ប្រជាពលរដ្ឋ ក្នុងនោះមាននៅឃុំអំពិលតាពក និងឃុំទួលសុភី ស្រុកអូររាំងឪ កាលពីល្ងាចថ្ងៃទី៤ កក្កដា ២០១៥ ដោយបានបំផ្លាញលំនៅ
ខេត្តត្បូងឃ្មុំ ៖ ខ្យល់កន្ត្រាក់បានបោកបក់ជាខ្លាំងមកលើលំនៅឋានរបស់ប្រជាពលរដ្ឋ ក្នុងនោះមាននៅឃុំអំពិលតាពក និងឃុំទួលសុភី ស្រុកអូររាំងឪ កាលពីល្ងាចថ្ងៃទី៤ កក្កដា ២០១៥ ដោយបានបំផ្លាញលំនៅឋានរបស់ប្រជាពលរដ្ឋរលំរាបដល់ដី និងរបើកដំបូលសរុបចំនួន២២ខ្នង តែមិនមានសេចក្តីរាយការណ៍មានមនុស្សរងរបួស ឫស្លាប់នោះទេ ។
លោកវរសេនីយ៍ទោ លឿង រដ្ឋា អធិការនគរបាលស្រុកអូររាំងឪ ប្រាប់ឲ្យដឹងថា នៅល្ងាចថ្ងៃទី៤ កក្កដា ខ្យល់កន្ត្រាក់បានបោកបក់មកលើភូមិពោធិ៍មាស ឃុំអំពិលតាពក ចំនួន៥ខ្នង ក្នុងនោះរលំរាបដល់ដី១ខ្នង និងធ្លាក់ពីលើជើងតាង១ខ្នង ភូមិមុខត្រឡាច៤ខ្នង ចំណែកនៅលំនៅឋាន១៣ខ្នងទៀតនៅឃុំទួលសុភី បានរងការខូចខាតរបើកដំបូលផងដែរ ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ