ខេត្តកណ្ដាល ៖ យុវជនម្នាក់បានត្រូវនគរបាលក្រុងតាខ្មៅចាប់ខ្លួនកាលពីថ្ងៃទី៤ កក្កដា បន្ទាប់ពីយុវជននោះ និងបក្សពួកបីនាក់បើកម៉ូតូពីរគ្រឿងដេញវាយ និងកា.ប់ទៅលើជនរងគ្រោះពីរនាក់បណ្ដាលឲ្យរងរបួស
ខេត្តកណ្ដាល ៖ យុវជនម្នាក់បានត្រូវនគរបាលក្រុងតាខ្មៅចាប់ខ្លួនកាលពីថ្ងៃទី៤ កក្កដា បន្ទាប់ពីយុវជននោះ និងបក្សពួកបីនាក់បើកម៉ូតូពីរគ្រឿងដេញវាយ និងកាប់ទៅលើជនរងគ្រោះពីរនាក់បណ្ដាលឲ្យរងរបួសធ្ងន់នៅតាមផ្លូវ ដោយសារទំនាស់រឿងមើលមុខគ្នា។
លោកវរសេនីយ៍ត្រីគីវ ស៊ីថា អធិការរងក្រុងតាខ្មៅបានឲ្យដឹងថា ជនសង្ស័យដែលបានចាប់ខ្លួន ឈ្មោះស៊ិន ណូរ៉ា ភេទប្រុស អាយុ១៨ឆ្នាំ មានទីលំនៅ ភូមិព្រែកតាឡុង សង្កាត់ចាក់អង្រែក្រោម ខណ្ឌមានជ័យ មុខរបរមិនពិតប្រាកដ និង៣នាក់ទៀតដែលរត់គេចខ្លួន ១-ឈ្មោះ មិត្ត ភេទប្រុស អាយុប្រហែល២០ឆ្នាំ ជនជាតិខ្មែរ មានទីលំនៅសង្កាត់ចាក់អង្រែលើ ខណ្ឌមានជ័យ មុខរបរជាងកាត់សក់ ២-ឈ្មោះ ទ្រី ភេទប្រុស អាយុ១៩ឆ្នាំ មានទីលំនៅភូមិព្រែកតាឡុង សង្កាត់ចាក់អង្រែក្រោម ខណ្ឌមានជ័យ មុខរបរមិនពិតប្រាកដ និង៣-ឈ្មោះ បុត្រ ភេទប្រុស អាយុ១៩ឆ្នាំ មានទីលំនៅសង្កាត់ចាក់អង្រែលើ ខណ្ឌមានជ័យ មុខរបរ សិស្សថ្នាក់ទី១២ សាលាវិទ្យាល័យចាក់អង្រែលើ។
ចំណែកជនរងគ្រោះ ១-ឈ្មោះ មាស ច័ន្ទរស្មី ភេទប្រុស អាយុ១៥ឆ្នាំ ជនជាតិខ្មែរ មានទីលំនៅភូមិកំពង់សំណាញ់ សង្កាត់កំពង់សំណាញ់ ក្រុងតាខ្មៅ មុខរបរសិស្ស វិទ្យាល័យហ៊ុនសែនតាខ្មៅ រងរបួសចំថ្ងាស
និង២-ឈ្មោះ ហោ ស្រីពៅ ភេទស្រី អាយុ២១ឆ្នាំ ជនជាតិខ្មែរ មានទីលំភូមិខ្ពប់វែង សង្កាត់កំពង់សំណាញ់ ក្រុងតាខ្មៅ មុខរបរលក់ដូរ រងរបួសដេរ៨ថ្នេរ ត្រង់ក្បាលក្រោយត្រចៀកខាងឆ្វេង៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ