ខេត្តស្ទឹងត្រែង ៖ ថ្នាំញៀនប្រភេទយ៉ាម៉ាចំនួន២០០គ្រាប់ ត្រូវបានដកហូតពីបុរសម្នាក់ ដោយកម្លាំងកងរាជអាវុធហត្ថ និងកសាងសំណុំរឿងបញ្ជូនទៅសាលាដំបូងខេត្តនៅរសៀលថ្ងៃទី៥ កក្កដា ២០១៥ នេះ ។
តាមការឲ្យដឹងពីមន្ត្រីកងរាជអាវុធហត្ថ បានឱ្យដឹងថា ជនសង្ស័យឈ្មោះ ពៀន បញ្ញា អាយុ២៥ឆ្នាំ រស់នៅភូមិផាបាំង ឃុំថ្មកែវ ស្រុកសៀមប៉ាង ខេត្តស្ទឹងត្រែង ត្រូវបានកងរាជអាវុធហត្ថស្រុកធ្វើការឃាត់ខ្លួន ។ ក្រោយពីស៊ើបដឹងថា មានការពាក់ព័ន្ធនឹងករណីជួញដូរថ្នាំញៀន កាលពីព្រឹកថ្ងៃទី៥ កក្កដា ២០១៥ ស្ថិតនៅក្នុងភូមិផាបាំង ឃុំថ្មកែវ ស្រុកសៀមប៉ាង ។
ក្រោយការឃាត់ខ្លួនជនសង្ស័យនិងវត្ថុតាង ត្រូវបានបញ្ជូនទៅកាន់បញ្ជាការដ្ឋានកងរាជអាវុធហត្ថខេត្ត ដើម្បីបន្តចំណាត់ការសាកសួរបន្ថែមរកជនមុខសញ្ញានៅពីក្រោយខ្នងនៃការផ្តល់គ្រឿងញៀនទាំងនេះមកជនសង្ស័យ ដើម្បីបើកការស៊ើបសង្កេតបន្ថែមឈានទៅចាប់មុខសញ្ញាផ្សេងទៀតមកផ្តន្ទាទោសតាមច្បាប់ ៕
ព័ត៌មានលម្អិតមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ