បញ្ជូនខ្លួនជនសង្ស័យអាជីពសកម្មខាងលួច២នាក់ទៅតុលាការ
ខេត្តរតនគិរី ៖ ជនសង្ស័យ២នាក់ ត្រូវនគរបាលឃាត់ខ្លួនបញ្ជូនទៅសាលាដំបូងខេត្ត ជាប់ពាក់ព័ន្ធករណីចោរកម្មអាជីព កាលពីរសៀលថ្ងៃទី៤ កក្កដា ២០១៥ ។
ខេត្តរតនគិរី ៖ ជនសង្ស័យ២នាក់ ត្រូវនគរបាលឃាត់ខ្លួនបញ្ជូនទៅសាលាដំបូងខេត្ត ជាប់ពាក់ព័ន្ធករណីចោរកម្មអាជីព កាលពីរសៀលថ្ងៃទី៤ កក្កដា ២០១៥ ។
យោងតាមលោកវរសេនីយ៍ទោ មាស ពៅ បូរ៉ា នាយការិយាល័យកណ្តាលនគរបាលព្រហ្មទណ្ឌកម្រិតស្រាលខេត្ត បានឱ្យដឹងថា កម្លាំងរបស់លោកបានសហការជាមួយកម្លាំងអធិការដ្ឋាននគរបាលស្រុកកូនមុំ និងស្រុកបរកែវ បានធ្វើការស្រាវជ្រាវរកមុខសញ្ញាចោរកម្មលួចម៉ូតូយ៉ាងសកម្មនាពេលកន្លងមក ។ ការតាមប្រមាញ់និងស្រាវជ្រាវរកមុខសញ្ញានេះ គឺធ្វើជារៀងរាល់ថ្ងៃរហូតដល់ថ្ងៃ២ កក្កដា ២០១៥ កម្លាំងនគរបាលបានឃាត់ខ្លួនជនសង្ស័យចំនួន២នាក់ ដែលជនសង្ស័យទី១-ឃាត់ខ្លួនបាននៅឃុំត្រពាំងក្រហម ស្រុកកូនមុំ និងជនសង្ស័យទី២-ឃាត់ខ្លួនបាននៅស្រុកបរកែវ ។
នៅចំពោះមុខសមត្ថកិច្ចជនសង្ស័យទាំង២នាក់ បានសារភាពទៀតថា ពួកគេបានលួចម៉ូតូ ទូរស័ព្ទដៃពលរដ្ឋចំនួន៣លើករួចមកហើយ ព្រមទាំងទ្រព្យសម្បត្តិផងដែរ ក្រោយពីលួចបានហើយ គឺពួកគេយកទៅឱ្យបក្សពួកគេជាអ្នកយកទៅលក់បន្ត បានប្រាក់មកចែកគ្នា និងទិញថ្នាំញៀនជក់ផងដែរ ។
ព័ត៌មានលម្អិតមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ