រាជធានីភ្នំពេញ ៖ លោកម៉ប់ សារិន ប្រធានក្រុមប្រឹក្សារាជធានីភ្នំពេញ ជាអនុប្រធានប្រចាំការគណបក្សប្រជាជនរាជធានីភ្នំពេញ និងជាប្រធានក្រុមការងារគណបក្សប្រជាជនចុះជួយខណ្ឌពោធិ៍សែនជ័យ អមដំណើរដោយមន្ត្រីមួយចំនួនទៀត កាលពីថ្ងៃសៅរ៍ ទី០៤ កក្កដា ២០១៥ បានអញ្ជើញចុះសួរសុខទុក្ខ និងចែកអំណោយដល់ស្ត្រីទើបសំរាលកូនចំនួន១០នាក់ នៅក្នុងសង្កាត់ឳឡោក ខណ្ឌពោធិសែនជ័យ ។
ស្ត្រីដែលទើបសំរាលកូននោះមានចំនួន១០នាក់ ក្នុងម្នាក់ៗទទួលបាន អង្ករ២៥គីឡូក្រាម មី១កេស ទឹកក្រូច១កេស ទឹកបរិសុទ្ធ១កេស ទឹកដោះគោ ស្ករស អាវកូនង៉ែត១ឃីត ខោអាវម្តាយ១ឃីត សារុង១ និងថវិកា១០ម៉ឺនរៀលផងដែរ ។
ស្ត្រីដែលទើបសំរាលកូនទាំងនោះបានសំដែងនូវសេចក្តីត្រេកអរជាខ្លាំងចំពោះលោកម៉ប់ សារិន និងសហការី ដែលមានព្រហ្មវិហារធម៌ជួយដល់ពួកគាត់ដែលកំពុងជួបការលំបាក ទោះជាថ្ងៃឈប់សំរាកក៏ដោយ ៕
ចែករំលែកព័តមាននេះ