ខេត្តកណ្ដាល ៖ ករណីឃាតក.ម្មសំលាប់បុរសម្នាក់យកទៅកប់នៅក្នុងព្រៃឆ្ងាយពីភូមិនៅចំណុចក្នុងព្រែកអូរថ្ងាន់ ស្ថិតក្នុងភូមិទួលស្ពឺ ឃុំតាលន់ ស្រុកស្អាង រហូតដល់សាកសពហើមស្អុយ ទើបគេប្រទះឃើញ
ខេត្តកណ្ដាល ៖ ករណីឃាតកម្មសំលាប់បុរសម្នាក់យកទៅកប់នៅក្នុងព្រៃឆ្ងាយពីភូមិនៅចំណុចក្នុងព្រែកអូរថ្ងាន់ ស្ថិតក្នុងភូមិទួលស្ពឺ ឃុំតាលន់ ស្រុកស្អាង រហូតដល់សាកសពហើមស្អុយ ទើបគេប្រទះឃើញ កាលពីថ្ងៃទី២ កក្កដា បង្កឲ្យមានការភ្ញាកផ្អើលរាយការណ៍ដល់សមត្ថកិច្ចទៅគាស់សាកសពពិនិត្យរួចមក នគរបាលបានធ្វើការស្រាវជ្រាវ និងបានសន្និដ្ឋានថា ជនសង្ស័យនៅមិនឆ្ងាយពីភូមិកើតហេតុនេះទេ ប៉ុន្តែមិនទាន់ កំណត់មុខសញ្ញាច្បាស់នៅឡើយ ព្រោះកំពុងធ្វើការស្រាវជ្រាវបន្តទៀត។
ករណីឃាតកម្មនេះសមត្ថកិច្ចមិនទាន់សន្និដ្ឋានថា ជាអំពើប្លន់ទ្រព្យសម្បត្តិ ឬគំនុំទេ ចំណែកអត្តសញ្ញាណជនរងគ្រោះក៏នៅមិនទាន់ស្គាល់ដែរ មកដល់ព្រឹកថ្ងៃទី៣ កក្កដា កំពុងធ្វើការស្រាវជ្រាវបន្ត។ ប៉ុន្តែបើតាមប្រជាពលរដ្ឋសន្និដ្ឋានថា ជាអំពើប្លន់យកទ្រព្យសម្បត្តិ ហើយជនសង្ស័យ និងជនរងគ្រោះអាចជាមនុស្សស្គាល់គ្នា ទើបសំលាប់យកទៅកប់ចោលនៅក្នុងព្រៃឆ្ងាយពីភូមិ ។
ជនសង្ស័យអាចជាមនុស្សនៅក្នុងភូមិ-ឃុំកើតហេតុនេះទើបស្គាល់ភូមិសាស្ដ្រក្នុងព្រៃកន្លែងកប់សពនេះ ដោយបានលួចក្រណាត់កៅស៊ូអ្នកភូមិយកទៅរុំសព និងលួចស៊ីម៉ង់ត៍ ខ្សាច់ យកទៅលាយចាក់គ្របលើមុខសពមុននឹងកប់សព៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ